കുട്ടികൾ മിടുമിടുക്കരാകട്ടെ...

കുട്ടികളെ പരിശീലിപ്പിക്കുന്നതിന് മുൻപ് മാതാപിതാക്കൾ കൂടി മൈൻഡ് ഫുൾനസ് പരിശീലിക്കുന്നത് നല്ലത്.

- ചൈത്ര ലക്ഷ്മി

പ്രായം ഒമ്പതുകഴിഞ്ഞു. ഒരു നിമിഷം പോലും അടങ്ങിയിരിക്കില്ല പിരുപിരുപ്പ്. എന്നാൽ ഇങ്ങനേയുമുണ്ടോ...? ചില മക്കളെക്കുറിച്ചുള്ള അമ്മമാരുടെ പരാതിയാണിത്. മൈൻഡ് ഫുൾനസ് ശീലിപ്പിച്ചാൽ ഏത് വികൃതിയേയും മിടുമിടുക്കനാക്കാം.

ഉത്കണ്ഠയും, മാനസിക സമ്മർദ്ദവും അകറ്റി മനസ്സ് ശാന്തമാക്കി ഏകാഗ്രത കൈവരുത്താൻ കഴി യുമെന്നതാണ് മൈൻഡ് ഫുൾനസിന്റെ ഗുണം. ഈ നിമിഷത്തിൽ ചെയ്യുന്ന പ്രവൃത്തിയിൽ മാത്രം ശ്രദ്ധ കേന്ദ്രീകരിക്കുന്നതിനാണ് മൈൻഡ് ഫുൾസ് (മനോ നിറവ്) എന്നുപറയുന്നത്. മനസ്സറിഞ്ഞ്, ആസ്വദിച്ച് ചെയ്യണം ആ പ്രവൃത്തി എന്നർത്ഥം.

കുട്ടികളെ പരിശീലിപ്പിക്കുന്നതിന് മുൻപ് മാതാപിതാക്കൾ കൂടി മൈൻഡ് ഫുൾനസ് പരിശീലിക്കുന്നത് നല്ലത്. കുടുംബാംഗങ്ങൾ എല്ലാവരും ഇത് ശീലിച്ചാൽ വീട്ടിലെ അന്തരീക്ഷം സന്തോഷകരമാവും. അതുകൊണ്ട് ആദ്യം മുതിർന്നവർക്ക് എളുപ്പത്തിൽ മൈൻഡ് ഫുൾനസ് ശീലിക്കുന്നതിനുള്ള വഴികൾ പറയാം.