உடல், மன நலம் பேண என்ன செய்ய வேண்டும்?

எவ்வாறு...? முதுமையின் அறிகுறியாக தலை நரைத்தலும், பார்வை குறைதலும், தோல் சுருங்குதலும் ஏற்படினும், அதை இளமையாக்க, சுமார் 40 வயது முதலே உணவு உட்பட, அனைத்து செயல்களிலும் கட்டுப்பாட்டைக் கடைப்பிடித்தால், மேற்கூறிய அறிகுறிகளைத் தவிர்க்கலாம்.

மழலை, இளமை, முதுமையெனக் கூறப்படும் மமூவகைப் பருவங்களில், மழலையும், இளமையும் இனிதாகச் செல்லும். முயற்சி செய்தால், முதுமையையும் இளமையாக்கலாம். எவ்வாறு...?

உணவுக் கட்டுப்பாடும், தேவையான உடற்பயிற்சியோடு சத்துள்ள உணவைத் தேர்ந்து சாப்பிடுவதும் முக்கியமானதாகும். நாள்தோறும் 30 நிமிடங்கள் நடைப்பயிற்சி அவசியம். குறைந்தபட்சம் இரு ஆண்டுகளுக்கு ஒரு முறை உடல் பரிசோதனை செய்துகொள்ள வேண்டும். அன்றாடம் 8 குவளை தண்ணீர் அருந்த வேண்டும்.

கோடைக் காலத்தில், எலுமிச்சை சாறு கலந்த நீரை நாளொன்றுக்கு 2 முறை குடித்துவர மயக்கம், தலைசுற்றலைத் தவிர்க்கலாம். முதுமையில் மன நலம் பேணுதல் முக்கியமானது.

'இந்தக் கிழங்களே இப்படித்தான்! சும்மா முணுமுணுன்னு' என்று இளசுகள் நினைக்க, ‘இந்தப் பொடிப் பயலுக்கு என்ன தெரியும்?' என முதுமை நினைக்க, தலைமுறைப் போராட்டங்கள் தலைதூக்க தொடங்கி விடுகின்றன.

இளசுகளின் புதிய முயற்சிகளுக்கு வாய்ப்புக் கொடுத்தும், உணர்வுகளுக்கு மதிப்புக் கொடுத்தும், அவர்களது எல்லைகளை வரையறுத்தும் சக்தியை எடை போட்டும் வைத்துக்கொள்ள வேண்டும். கெளரவப் போர்களைக் குறைத்துக்கொண்டால், மனது சங்கடப்படாது.

'பணம் இல்லையேல் பிணம்' என்பது போல, முதுமைக்குப் பணமும் தேவை. இளமைப் பருவத்தில் சிறிதளவாவது பணத்தைச் சேர்த்து வைத்துக்கொண்டால், முதுமையில் அது கைகொடுக்கும்.

மன ஆரோக்கியம் என்பது நமது ஒட்டுமொத்த நல்வாழ்வின் முக்கியமான அம்சமாகும். இது நமது உணர்ச்சி, உளவியல் மற்றும் சமூக நல்வாழ்வை உள்ளடக்கியது, மேலும் நமது அன்றாட வாழ்வில் நாம் எப்படி நினைக்கிறோம், உணர்கிறோம் மற்றும் செயல்படுகிறோம் என்பதில் இது ஒரு அடிப்படைப் பாத்திரத்தை வகிக்கிறது.

உடற்பயிற்சி மற்றும் சரிவிகித உணவு மூலம் நமது உடல் ஆரோக்கியத்திற்கு முன்னுரிமை கொடுப்பது போல், நமது மன ஆரோக்கியத்திலும் கவனம் செலுத்துவது அவசியம்.

மனநலத்தின் முக்கியத்துவம்:

மன ஆரோக்கியம் ஆரோக்கியத்திற்கும் ஒருங்கிணைந்ததாகும்: பலர் தங்கள் உடல் ஆரோக்கியத்தில் முதன்மையாகக் கவனம் செலுத்துகிறார்கள், பெரும்பாலும் மன ஆரோக்கியத்தின் முக்கியத்துவத்தைக் கவனிக்கவில்லை. இருப்பினும், இரண்டும் சிக்கலான முறையில் இணைக்கப்பட்டுள்ளன.