நம் குழந்தைகள் சரியாகத்தான் வளர்கிறார்களா? பெற்றோர்களே அலெர்ட்!

வசதி வாய்ப்புகள் பெருகப் பெருக பிரச்னைகளும் அதிகமாகி வருவது நம்மில் பலர்  அறிந்ததாக இருக்கலாம். அதிலும், இன்றைய பெற்றோர்கள் முன்னால் 'குழந்தைகள் வளர்ச்சியில் ஏற்படும் மாறுபாடுகள் குறித்த பிரச்னை’ பெரும் சவாலாகி உள்ளது.

அப்படியே குழந்தைகளின் மாதா மாதம் வளர்ச்சியில் என்னென்ன மாறுபாடுகள் இருக்கின்றன? என பல பெற்றோர்கள் கவனித்து வீட்டில் உள்ள பெரியவர்களிடம் சொன்னாலும், 'அந்த காலத்துல என் புள்ள மூணு வயசுலதான் நடக்க ஆரம்பிச்சான்... அஞ்சி வயசுலதான் பேச ஆரம்பிச்சான்' எனச் சொல்லி உடனடியாக எடுக்க வேண்டிய உரிய தெரபிகளை தட்டிக்கழித்து விடுவர். இதனால் குழந்தைகளின் வளர்ச்சியில் மேலும் தாமதம் இருக்கலாம்.

எனவே, குழந்தைகளின் மொத்த வளர்ச்சியில் என்னென்ன பாதிப்புகள் இருக்கலாம், அதனால் என்னென்ன விளைவுகள் வரலாம், என்னென்ன மருத்துவம் பயன்படும் என்பது அனைத்தையும் இந்த கட்டுரை வாயிலாக தெரிந்துகொள்ளலாம்.

மொத்த வளர்ச்சி...

குழந்தையின் மொத்த வளர்ச்சியை மருத்துவத்தில் 'Global development' என்று அழைப்போம். அதாவது, தலை நிற்பது, உட்காருவது, நடப்பது என்பது அசைவுகள் சார்ந்த வளர்ச்சி.