ഒരാൾക്കുള്ളതായിരുന്നില്ല ആ അടി

സാനിയ അയ്യപ്പൻ പ്രതികരണങ്ങളും പ്രതീക്ഷകളും

- ടെന്‍സി ജെയ്ക്കബ്ബ്‌

അടിയെ കുറിച്ചു പറയാനില്ല' എന്ന് പറഞ്ഞാണ് സാനിയ സംഭാഷണം തുടങ്ങിയത്. പിന്നെ, ഒരു നിമിഷം ആലോചിച്ചിരുന്നു. അല്ലെങ്കിൽ വേണ്ട, മിണ്ടാതിരിക്കുന്നതിനേക്കാൾ പ്രതികരിക്കുന്നതു തന്നെയാണ് നല്ലത്.'' കോഴിക്കോട് ഹൈലൈറ്റ് മാളിൽ സിനിമാ പ്രമോഷൻ പരിപാടിക്കിടെ ശാരീരികമായി ഉപദ്രവിച്ച ചെറുപ്പക്കാരനെതിരെ സാനിയ പ്രതികരിച്ചത് വാർത്തയായിരുന്നു. അപ്പോൾ അതു ചെയ്തില്ലായിരുന്നുവെങ്കിൽ, അവനിട്ട് രണ്ടു പൊട്ടിച്ചില്ലല്ലോ എന്നു ഞാൻ ഇന്നു ഖേദിച്ചേനേ.

 വിട്ടുവീഴ്ചകളില്ലാത്ത കാഴ്ചപ്പാടുകളും സൂക്ഷ്മമായി ഫോളോ ചെയ്യുന്ന ഫാഷനുമാണ് സാനിയയെ ചെറുപ്പക്കാരുടെ യൂത്ത് ഐക്കൺ' ആക്കുന്നത്.

“സാറ്റർഡേ നൈറ്റിൽ ബുള്ളറ്റിലാണല്ലോ വരവ് 

 അതിലെ എന്റെ കഥാപാത്രം വൈഷ്ണവി, തണ്ടർ ബേർഡ് ഓടിക്കുന്ന, ഡൊക്ക് ഹെയറുള്ള ട്രാവലറാണ്. എനിക്കു ബുള്ളറ്റ് ഓടിക്കാൻ അറിയില്ലായിരുന്നു. ഈ സിനിമയ്ക്കു വേണ്ടിയാണ് പഠിച്ചത്. പലവട്ടം മറിഞ്ഞു വീണു, കൈ ഒടിഞ്ഞു. റിസ്ക് എടുക്കേണ്ട പടങ്ങൾ ചെയ്യാൻ എനിക്കു വലിയ ഇഷ്ടമാണ്. കൃഷ്ണൻകുട്ടി പണി തുടങ്ങി' എന്ന പടത്തിൽ ഫൈറ്റ് സീൻ ചെയ്ത് ചുണ്ടൊക്കെ പൊട്ടിയിട്ടുണ്ട്.

യാത്രകൾ ഒരുപാട് ഇഷ്ടമാണെനിക്ക്. ബൈക്കോടിക്കാൻ പഠിച്ച സ്ഥിതിക്ക് ഇനി അങ്ങനെ യാത്ര പോകാം എന്നതാണ് ആലോചന. ജീവിതത്തിൽ ഒന്നു താഴെ പോകുമ്പോൾ ഉടനെ ചിന്തിക്കുന്നത് യാത്രകളെ കുറിച്ചാണ്. അതാണ് എന്റെ വീണ്ടെടുക്കൽ. ദൂരെ പോകണമെന്നൊന്നുമില്ല. തൊട്ടടുത്ത് ഒരു കടല്‍തീരത്തോ മലമുകളിലോ...

പക്ഷേ, വൈഷ്ണവിയും ഞാനുമായി രൂപത്തില്‍ വളരെയധികം വ്യത്യാസമുണ്ട്‌ കേട്ടോ. അവളുടെ ഫാഷനും എന്റെ ഫാഷനും വൃത്യസ്തമാണ്‌.

പക്ഷേ, ഫാഷ൯ ട്രെ൯ഡ്‌ അറിയണമെങ്കിൽ സാനിയയുടെ വാഡ്രോബ്‌ നോക്കിയാല്‍ മതി എന്നു കേട്ടിട്ടുണ്ട്‌?