അൻപോടെ അണ്ണൻ രസികർ മണ്ഡലം

സ്ത്രീകൾ ഒരുമിച്ചു ചേരുമ്പോൾ വിരിയുന്ന കുഞ്ഞു വിസ്മയങ്ങൾ, ആനന്ദങ്ങൾ. പെൺ കൂട്ടായ്മകളുടെ രസങ്ങൾ പങ്കുവയ്ക്കുന്ന പംക്തി.

തമിഴ് നടൻ സൂര്യയോടുള്ള ആരാധന കൊണ്ട് നോട്ട് ബുക്കിൽ പടം വെട്ടിയൊട്ടിച്ചവരൊക്കെ നമ്മുടെ കൂട്ടത്തിലുണ്ടാകും. പക്ഷേ, എല്ലാ ആരാധകരും അങ്ങനെയാണെന്നു കരുതല്ലേ. ദാ... കേട്ടോളൂ.

“ഞങ്ങൾ സൂര്യ ഫാൻസ് ഗേൾസ് ചേർന്ന് നിർധനയായ ഒരു കുട്ടിയുടെ ചികിത്സാ സഹായത്തിനായി "ബിരിയാണി ഫെസ്റ്റ് നടത്തി. കൂപ്പൺ വിൽക്കാനിറങ്ങിയപ്പോൾ ഒരാൾ "ഈ പെൺകൊച്ചുങ്ങൾ എന്തു ചെയ്യാനാ' എന്നു പുച്ഛിച്ചു. അന്ന് 25000 രൂപയാണ് പിരിച്ചെടുത്ത് കൈമാറിയത്. ആ ചേട്ടനോട് "ഇത് തേടി നേർത്ത കൂട്ടം ഇല്ല, താനാ സേർന്ത കൂട്ടം. പുരിഞ്ചിതം' എന്ന സൂര്യ അണ്ണന്റെ മാസ് ഡയലോഗും പറഞ്ഞു സ്റ്റൈലിൽ തിരിഞ്ഞു നടന്നു. '' പറയുന്നത് ഗീതു ജഗദീഷാണ്. നടിപിൻ നായകൻ സൂര്യയുടെ ഫാൻസ് ഗേൾസ് തൃശൂർ യൂണിറ്റിന്റെ സെക്രട്ടറി.