മുഖം മിനുക്കാൻ കന്യാകുമാരി; സ്വദേശി ദർശൻ പദ്ധതി പൂർണ്ണതയിലേക്ക്

വിനോദസഞ്ചാരികളുടെ ഇഷ്ടകേന്ദ്രമായ ത്രിവേണി സംഗമഭൂമി നവീകരിക്കുന്നു. കേന്ദ്രസർക്കാരിന്റെ സ്വദേശി ദർശൻ പദ്ധതിയിലാണ് കന്യാകുമാരിയെ ദേശീയ ടൂറിസം തലത്തിലേക്കു നവീകരിക്കുന്നത്. സ്വദേശി ദർശൻ പദ്ധതി പ്രകാരമുള്ള നവീകരണ പ്രവർത്തനങ്ങൾ അവസാന ഘട്ടത്തിലേക്കു നീങ്ങുകയാണ്.

- ജി.എൽ അനിൽനാഥ്

പൂവാർ:

ഒക്ടോബറിൽ തന്നെ മുഴുവൻ പ്രവർത്തനങ്ങളും പൂർത്തിയാകുമെന്ന് കന്യാകുമാരി സ്പെഷ്യൽ ഗ്രേഡ് ടൗൺ പഞ്ചായത്ത് എകസികുട്ടീവ് ഓഫീസർ ടി.സത്യദാസ് അറിയിച്ചു. 15 കോടി രൂപയോളം ചെലവിട്ട് രണ്ട് ഘട്ടമായി നടത്തുന്ന വികസന പ്രവർത്തനങ്ങൾ പൂർണ്ണതയിലെത്തുന്നതോടെ വിനോദസഞ്ചാര മേഖലയ്ക്ക് ഗുണം ചെയ്യുമെന്നും അദ്ദേഹം പറഞ്ഞു.