കോൺഗ്രസിൽ താൽക്കാലിക മഞ്ഞുരുക്കം

അതേസമയം, അച്ചടക്കലംഘനം അനുവദിക്കാനാകില്ലെന്ന് രാഹുൽ ഗാന്ധി സ്വീകരിച്ച കർശന നിലപാടാണ് കഴിഞ്ഞ ദിവസങ്ങളിൽ തുറന്ന പോരിന് മുന്നിട്ടിറങ്ങിയ മുതിർന്ന നേതാക്കളെ അനുനയത്തിന് വഴങ്ങാൻ പ്രേരിപ്പിച്ചതെന്നറിയുന്നു.

തിരുവനന്തപുരം: ഡി.സി.സി അധ്യക്ഷന്മാരുടെ പട്ടികയെച്ചൊല്ലി കോൺഗസിൽ പൊട്ടിപ്പുറപ്പെട്ട തർക്കത്തിൽ താൽക്കാലിക മഞ്ഞുരുക്കം. ഉമ്മൻ ചാണ്ടി, രമേശ് ചെന്നിത്തല എന്നിവരുമായി തുടർച്ചയായ രണ്ടാം ദിവസവും സംസ്ഥാന നേതൃത്വം നടത്തിയ ചർച്ചയിലാണ് പ്രശ്നപരിഹാരം. തിങ്കളാഴ്ചയു.ഡി.എഫ് യോഗം ചേരുംമുമ്പായിരുന്നു അനുരഞ്ജനം.