ഹൃദ്സ്പന്ദനങ്ങൾക്കൊപ്പം നൃത്തച്ചുവടുകളുമായി രചിത

ഇന്ത്യൻ ക്ലാസിക്കൽ നൃത്തരൂപത്തെ അമേരിക്കയ്ക്ക് പരിചയപ്പെടുത്തുകയും അവിടെ ഹാരീസ് ബർഗ്ഗ്-പെൻസിൽവാനിയയിൽ രസിക സ്കൂൾ ഓഫ് ഡാൻസ് എന്ന സ്ഥാപനം നടത്തുകയും ഭരത നാട്യത്തെ വൈവിധ്യതാപൂർവ്വം സമീപിക്കുകയും ചെയ്യുന്ന കലാകാരിയാണ് രചിതനമ്പ്യാർ. ഇന്ത്യൻ വംശജരായ ധാരാളം വിദ്യാർത്ഥിനികൾ ഭരതനാട്യത്തിന്റെ വിസ്മയലോകത്തേയ്ക്ക് ഈ പ്രസ്ഥാനത്തിലൂടെ എത്തിപ്പെടുകയും ചെയ്യുന്നു.

ബയോ കെമിസ്ട്രിയിൽ ബിരുദാനന്തരബിരുദം നേടിയ രചിത അഞ്ചുവർഷമായി ഭരതനാട്യത്തെ അന്വേഷണതൽപ്പരതയോടെ സമീപിക്കുകയും അഭ്യസിക്കുകയും അത് തന്റെ വിദ്യാർത്ഥിനികൾക്ക് അവധാനതയോടെ പകർന്നുനൽകുകയും ചെയ്യുന്നു. പൂനെയിലും ചെന്നയിലും പ്രഗത്ഭരായ ഗുരുക്കന്മാരുടെ കീഴിലായിരുന്നു രചിതയുടെ നൃത്തച്ചുവടുകളും ആദ്യാഭ്യാസനം.