CLASS LEADING!

സെഡാന്റെ സ്ഥലസൗകര്യവും എസ്യുവിയുടെ തലയെടുപ്പും ഡ്രൈവ് കംഫർട്ടുമായി സിട്രോയെൻ ബസാൾട്ട് എസ്യുവി കൂപ്പ

- നോബിൾ എം. മാത്യു

ലക്ഷ്വറി വിഭാഗത്തിൽ മാത്രം കണ്ടിരുന്ന എസ്യുവി കൂപ്പെ ഡിസൈൻ മിഡ്സ് എസ് യു വി വിഭാഗത്തിലേക്ക് അവതരിപ്പിച്ച് പുതിയൊരു മത്സരത്തിനു തുടക്കമിടുകയാണ് സിട്രോയെൻ. എസ് യു വിയുടെ തലയെടുപ്പും കൂപ്പെ ഡിസൈനിന്റെ മനോഹാരിതയും സമന്വയിക്കുന്നു എന്നതാണ് എസ് യു വി കൂപ്പെ മോഡലുകളുടെ സവിശേഷത. ബിഎമ്മിന്റെയും മെർക്കിന്റെയുമൊക്കെ മോഡലുകളാണ് ഇതുവരെ നിരത്തിൽ ഈ ഡിസൈനുമായെത്തിയത്. ആ ഡിസൈൻ കണ്ടു മോഹിച്ചിരുന്നവർക്ക് കുറഞ്ഞ വിലയിൽ എസ് യു വി കൂപ്പെ ഒരുക്കിയിരിക്കുകയാണ് സിട്രോയെൻ ബസാൾട്ടിലൂടെ. രണ്ട് എൻജിൻ ഓപ്ഷനുകളും ഒട്ടേറെ പുതുമകളുമായെത്തിയ വിശദമായൊന്നു കാണാം.

നോക്കിനിന്നു പോകും

കാഴ്ചയിൽ മിഡ് സൈസ് എസ് യു വികളുടെ വലുപ്പമുണ്ടെങ്കിലും സിട്രോയെൻ ബസാൾട്ടിനെ കോംപാക്ട് എസ്യുവികളോടാണ് മത്സരിപ്പിക്കുന്നത്. അതുകൊണ്ടു തന്നെ ബ്രെസയും സോണറ്റും വെന്യുവും നെക്സോണുമടങ്ങുന്നവർക്ക് വമ്പൻ വെല്ലുവിളിയാണ് ബസാൾട്ട്. മുൻ കാഴ്ചയിൽ സി3യോടും സി എയർ ക്രോസിനോടുമൊക്കെയാണ് സാമ്യം. അതിനു കാരണമുണ്ട്, സി3 എയർക്രോസ് അടക്കമുള്ള മോഡലുകൾ നിർമിച്ചിരിക്കുന്ന സിഎംപി പ്ലാറ്റ്ഫോമിലാണ് ബസാൾട്ടിന്റെയും ജനനം. 98 ശതമാനവും തദ്ദേശീയമായി നിർമിക്കുന്നതാണ് ഈ പ്ലാറ്റ്ഫോം. ബോണറ്റ്, മുൻ ഫെൻഡ റുകൾ, വിൻഡ് സ്ക്രീൻ, എ ബില്ലർ, മുൻ ഡോറുകൾ തുടങ്ങി ഒട്ടേറെ പാർട്ടുകൾ സി എയർക്കോസുമായി ബസാൾട്ട് ഷെയർ ചെയ്യുന്നുണ്ട്.

സി3 എയർ കോസിനെക്കാളും ഗ്രൗണ്ട് ക്ലിയറൻസ് 20 എംഎം കുറവാണ് ബസാൾട്ടിന് (180 എംഎം). മാത്രമല്ല വീൽബേസിലും 20 എംഎമ്മിന്റെ കുറവുണ്ട് (ബസാൾ ട്ട്-2651 എംഎം, സി3 എയർകോ m-2671 non).