തിരുനെല്ലിയുടെ ചരിത്രവിശേഷങ്ങളിലൂടെ

കൊടുംകാടിനുളളിൽ വന്യമൃഗങ്ങളിൽ സിംഹം ഒഴികെ മറ്റെല്ലാ മൃഗങ്ങളുടെ യും ആവാസകേന്ദ്രമായ ചെറിയ ദ്വീപ് പോലുള്ള സ്ഥലത്താണ് തിരുനെല്ലി ക്ഷേത്രം സ്ഥിതി ചെയ്യുന്നത്. ആർക്കിയോളജിയുമായി ബന്ധപ്പെട്ടവർക്കും ആദിവാസികളെക്കുറിച്ച് പഠിക്കാനും പൗരാണികവിവരശേഖരണത്തി നും മറ്റുമായി എത്തുന്നവർക്കും മാത്രമേ തിരുനെല്ലി എന്ന സ്ഥലത്തിന്റെ ആധികാരികതയെക്കുറിച്ചറിയുകയുള്ളൂ.

- ഡോ. പി. കെ. ജയകുമാരി

കേരളത്തിലെ വയനാട് ജില്ലയിലാണ് പ്രസിദ്ധമായ തിരുനെല്ലി മഹാവിഷ്ണുക്ഷേത്രം സ്ഥിതി ചെയ്യുന്നത്. കർണ്ണാടകാതിർത്തിയിൽ വൻ മലനിരകളാൽ പ്രകൃതിസംരക്ഷണം തീർത്തിരിക്കുന്നസ്ഥലം. ബ്രഹ്മഗിരി മല ക്ഷേത്രത്തിന് കാവലാളായി നില്ക്കുന്നതിനാൽ സഹ്യമലക്ഷേത്രമെന്നും, ആനമലക്ഷേത്രമെന്നും, ദക്ഷിണകാശി യെന്നും, ദക്ഷിണഗയയെന്നുമൊക്കെ ഈ ക്ഷേത്രത്തെ വിശേഷിപ്പിക്കാറുണ്ട്.

കൊടുംകാടിനുളളിൽ വന്യമൃഗങ്ങളിൽ സിംഹം ഒഴികെ മറ്റെല്ലാമൃഗങ്ങളുടെയും ആവാസകേന്ദ്രമായ ചെറിയ ദ്വീപ് പോലുള്ള സ്ഥലത്താണ് തിരുനെല്ലി ക്ഷേത്രം സ്ഥിതി ചെയ്യുന്നത്. ആർക്കിയോളജിയുമായി ബന്ധപ്പെട്ടവർക്കും ആദിവാസികളെക്കുറിച്ച് പഠിക്കാനും പൗരാണികവി വരശേഖരണത്തിനും മറ്റുമായി എത്തുന്നവർക്കും മാത്രമേ തിരുനെല്ലി എന്ന സ്ഥലത്തിന്റെ ആധികാരികതയെക്കുറിച്ചറിയുകയുള്ളൂ. ആദിവാസികളുടെ ആചാരങ്ങൾ, ആരാധനാരീതികൾ, ഇടയ്ക്കൽ ഗുഹ, മറ്റു ഗുഹാക്ഷേത്രങ്ങൾ എന്നിവയിൽ നിന്നും ലഭിച്ച ചിത്രങ്ങൾ, ഓരോരോ കാലഘട്ടങ്ങളിൽ ഉപയോഗിച്ചിരുന്ന ഉപകരണങ്ങൾ, പട്ടയങ്ങൾ,വടക്കൻ പാട്ടുകൾ എന്നിവയൊക്കെ പരിശോധിച്ച് ഏതാണ്ട് ബി.സി.4000 വർഷങ്ങൾക്ക് മുൻപ് മദ്ധ്യശിലായുഗത്തിലായിരിക്കും ക്ഷേത്രം നിർമ്മിച്ചിട്ടുള്ളതെന്നാണ് ആർക്കിയോളജി വിഭാഗം തിട്ടപ്പെടുത്തിയിരിക്കുന്നത്. തിരുനെല്ലി ക്ഷേത്രദർശനത്തിന് എത്തുന്നവർക്ക് ഈ പൗരാണിക ക്ഷേത്രത്തിന്റെ കാലപ്പഴക്കത്തെക്കുറിച്ച് അറിയാനുള്ള ജിജ്ഞാസയുണ്ടാവും.