ప్రకృతిపై ప్రేమ

ఆదిత్యకు మొక్కలు, ప్రకృతిపై అపారమైన ప్రేమ. అతడు తన తోటలో చాలా మొక్కలు నాటాడు.

- సతీష్ రాయ్

ఆదిత్యకు మొక్కలు, ప్రకృతిపై అపారమైన ప్రేమ. అతడు తన తోటలో చాలా మొక్కలు నాటాడు.

శ్రద్ధగా వాటిని చూసుకుంటున్నాడు.

అతని ఇంటి సమీపంలో ఒక పార్క్ ఉండేది. ప్రతి ఆదివారం తన స్నేహితులు రోహన్, ఆయాన్షా, సాన్వీలతో కలిసి ఆడుకోవడానికి పార్క్ కి వెళ్లేవాడు.

ఒక రోజు పార్క్ వెళ్లినప్పుడు అక్కడి దృశ్యం చూసి షాక్ తిన్నాడు ఆదిత్య. ఎటు చూసినా చెత్తా చెదారం కనిపించింది. మొక్కలు ఎండి, మాడిపోయి ఉన్నాయి. ప్లాస్టిక్ బ్యాగులు, బాటిళ్లు చెల్లాచెదురుగా పడి ఉన్నాయి. చెత్త కుండీ మొత్తం నిండి ఉంది.

"పార్క్ ఇంత మురికిగా ఎలా తయారైంది?” పక్కనే నిలబడి ఉన్న సొసైటీ గార్డ్ను అడిగాడు.

"పార్క్ పారిశుద్ధ్య సిబ్బంది కొన్ని వ్యక్తిగత కారణాల వల్ల నెల రోజుల పాటు సెలవులో ఉన్నారు. ఈ స్థలాన్ని శుభ్రం చేయడానికి ఎవరూ అందుబాటులో లేరు. పార్కికి వచ్చిన వాళ్లు ఎక్కడబడితే అక్కడ చెత్త వేస్తున్నారు. దాంతో ఇది మురికిగా తయారైంది. ఇది ఆపడానికి నేను ప్రయత్నించాను. కానీ ఎవ్వరూ వినడం లేదు" అని గార్డ్ వివరించాడు.

“ఇంకెవ్వరూ ఈ స్థలాన్ని శుభ్రం చేయలేదా?” అడిగాడు ఆదిత్య.

“పార్క్ నిర్వహణ బాధ్యత మున్సిపల్ కార్పొరేషన్ది. కాబట్టి మరింతమంది క్లీనర్లను పంపితే వారు శుభ్రం చేస్తారు" అని సమాధానం చెప్పాడు గార్డ్.

ఇంటికి తిరిగి వచ్చాక ఆదిత్య తండ్రికి పార్క్ పరిశుభ్రత గురించి చెప్పి బాధపడ్డాడు.