നിർബു പൂച്ചക്കുട്ടിയിൽ നിന്ന് നിർബു ആസ്ട്രോനോട്ടിലേക്ക്

തുലാം രാശീലെ ഗ്ലീസേ 581 എന്ന ഒരു നക്ഷത്രത്തിന് ഭൂമി പോലത്തെ ഒരു ഗ്രഹം ഉണ്ടത്രേ.

- പ്രൊഫ. കെ.പാപ്പൂട്ടി

അമ്മേ, ഈ ഏട്ടന് ലേശം വട്ടുണ്ട്, പ്രതിഭമോൾ വളരെ ഗൗരവത്തിലാണിത് പറഞ്ഞത്.

അമ്മ ചിരിച്ചുകൊണ്ട് ചോദിച്ചു,

"അതെന്താ മോളെ അങ്ങനെ തോന്നാൻ ഏട്ടൻ നല്ല ബുദ്ധിയുള്ള കുട്ടിയല്ലേ?” “ബുദ്ധിയൊക്കെ ഉണ്ട്. കൂടെ ഇത്തിരി വട്ടും. ഇന്നു രാവിലെ ചായ കുടിക്കുമ്പം പറയുവാണേ, തുലാം രാശീലെ ഗ്ലീസേ 581 എന്ന ഒരു നക്ഷത്രത്തിന് ഭൂമി പോലത്തെ ഒരു ഗ്രഹം ഉണ്ടത്രേ. 20 പ്രകാശവർഷം അകലെയാണ്. പഠിത്തം കഴിഞ്ഞാൽ ഏട്ടൻ അങ്ങോട്ടു പോകും പോലും. ഞാൻ കൂടെ പോരുന്നുണ്ടാന്ന്.

 “എന്നിട്ട് മോളെന്തു പറഞ്ഞു?

“ഞാൻ പറഞ്ഞു, ഏട്ടൻ പോയിട്ട് വാ, ഞാൻ അടുത്ത തവണ വരാന്ന്. ഏട്ടൻ പിന്നെ ചിരിയോടു ചിരി. തനി ഭ്രാന്തനെ പ്പോലെ.

 “അത്രേ ഉള്ളൂ?

“അല്ലമ്മേ, എന്നിട്ട് കുറച്ചു മുമ്പ് പറയ്യാ, ഞാൻ പോണില്ല, ഒരു നിർബു ആസ്ട്രോനോട്ടിനെ അയച്ച് പഠിച്ച ശേഷേ പോണുള്ളൂന്ന്. ഒരു നിർബു പൂച്ചക്കുട്ടിയെ പോലും ഉണ്ടാക്കാനറിയാത്ത ഏട്ടൻ നിർബു ആസ്ട്രോനോട്ടിനെ നിർമിക്കും പോലും.

ശരിക്കും വട്ടല്ലേ?”