വെള്ളത്തിനു മീതെ നടക്കുന്ന ദിവ്യന്മാർ

പരീക്ഷണം

- എം.പി. സനിൽകുമാർ

രാവിലെ തന്നെ കൂട്ടുകാരോടൊത്ത് കുളത്തിൽ പോയി കുളിയും കഴിഞ്ഞ് തിരിച്ചെത്തിയിരിക്കയാണ് കുട്ടി. കുളത്തിൽ കണ്ട് ഒരു അദ്ഭുതക്കാഴ്ച വിവരിക്കാനായി കുട്ടി നേരെ ചേച്ചിയുടെ അടുത്തെത്തി.

" “ചേച്ചീ, ഇന്ന് ഞങ്ങൾ കുളിക്കാൻ പോയപ്പോൾ കുളത്തിലെ വെള്ളത്തിനു മീതെ ചില ചെറുജീവികൾ വളരെ ഈസിയായി നടന്നുപോകുന്നത് കണ്ടു. ഇവയെങ്ങനെയാ ഇത് സാധിക്കുന്നത്?”

"കാരണം എന്തായിരിക്കുമെന്നാണ് നിനക്ക് തോന്നുന്നത് ?

" ഇവയ്ക്ക് ഭാരക്കുറവുള്ളതാവാം കാരണം. എങ്കിലും വെള്ളത്തിലാകു മ്പോൾ താണുപോകേണ്ടതാണല്ലോ?

ഏതായാലും ഇതിന്റെ കാരണം കണ്ടെത്താനായി ആദ്യം നമുക്കൊരു പരീക്ഷണം ചെയ്ത് നോക്കാം. നീ പോയി രണ്ട് ഗ്ലാസ് ടംബ്ലർ, വലിയൊരു കപ്പിൽ വെള്ളം, ഒരു തയ്യൽ സൂചി, സോപ്പ്, രണ്ട് തീപ്പെട്ടിക്കമ്പ്, ഒരു ഡ്രോപ്പർ എന്നീ സാധനങ്ങളുമായി വാ.

ശാസ്ത്രം പഠിക്കുന്ന കുട്ടി ചേച്ചി പറഞ്ഞ സാധനങ്ങൾ സംഘടിപ്പിച്ച് നേരെ ചേച്ചിയുടെ അടുത്തെത്തി.

“കുട്ടീ, നിനക്ക് ഈ സൂചിയെ വെള്ള ത്തിനു മേൽ കിടത്തി വെക്കാനാവുമോ? ഒന്ന് ശ്രമിച്ച് നോക്കൂ.

കുട്ടി പല പ്രാവശ്യം ശ്രമിച്ചിട്ടും സാധ്യമായില്ല.