മരിയൻ എന്ന അമ്മയുടെ കണ്ടെത്തലുകൾ

ആറ്റംബോംബും റോക്കറ്റും മൊബൈൽ ഫോണും പോലെയുള്ള വലിയ വലിയ ഉപകരണങ്ങൾ മാത്രമല്ല, ഡയപ്പറും സേഫ്റ്റിപിന്നും ചവിട്ടുമ്പോൾ തുറക്കുന്ന ചവറ്റുകൊട്ടയും എല്ലാം ഓരോരോ കണ്ടെത്തലുകളാണ്

ഒരിക്കൽ, തന്റെ കുഞ്ഞിന്റെ മലമൂത്ര വിസർജനം നടത്തിയ തുണികൾ മാറ്റുമ്പോൾ ഈ തുണികൾക്ക് പകരം കുറച്ചൂടെ എളുപ്പമുള്ള, നനവ് പുറത്തു വരാത്ത എന്തെങ്കിലും ഉണ്ടായിരുന്നെങ്കിൽ എന്ന് ആ അമ്മ ആലോചിച്ചു. ഉപയോഗം കഴിഞ്ഞു കളയാൻ പറ്റുന്നവയാണെങ്കിൽ കൂടുതൽ നന്നായിരിക്കുമെന്നും. മരിയൻ ഡോനോവൻ എന്നായിരുന്നു അമ്മയുടെ പേര്.

അക്കാലത്ത് കുഞ്ഞുങ്ങൾക്ക് റബ്ബർ കൊണ്ടുള്ള പാന്റ്സ് പോലെയുള്ള വസ്ത്രങ്ങൾ ഉപയോഗിക്കുമായിരുന്നു. എങ്കിലും, അത് കുഞ്ഞുങ്ങളുടെ തൊലിപ്പുറത്ത് ചുവന്ന പാടുകളും വേദനയും ഉണ്ടാക്കുമായിരു ന്നു.

അങ്ങനെ ആലോചിച്ചിരുന്ന മരിയൻ, പെട്ടെന്നു തന്നെ പലതരത്തിലുള്ള തുണികൾ, നനവ് പുറത്തുകടക്കാത്ത ഷീറ്റുകൾ ഒക്കെ ഉപയോഗിച്ച് ഒരു കുഞ്ഞു അടിവസ്ത്രം തുന്നിയെടുക്കാൻ നോക്കി. ഒടുവിൽ തന്റെ കുളിമുറിയിൽ ഉപയോഗിക്കുന്ന കർട്ടൻ തുണി ഉപയോഗിച്ച് ഒരു കവർ ഉണ്ടാക്കി. അതിൽ വെള്ളം പിടിക്കുന്ന തുണി വച്ച് സേഫ്റ്റി പിന്നുകൾക്ക് പകരം പ്രസ്സ് ബട്ടനുകൾ ഉപയോഗിച്ചു. പുതിയൊരു ഡിസൈനിൽ അങ്ങനെ ആദ്യത്തെ "ഡയപ്പർ' പിറവിയെടുത്തു. ഒരു ബോട്ടിന്റെ രൂപമൊക്കെ ഉണ്ടായിരുന്ന തന്റെ പുതിയ കണ്ടുപിടുത്തത്തെ മരിയൻ, ബോട്ടർ' എന്ന് പേരിട്ടു വിളിച്ചു.

മരിയനെക്കുറിച്ചുള്ള കൂടുതൽ വിശേഷങ്ങൾ പറയാം.