ബെന്നൂ യാത്ര

ബെന്നു, എന്നുടെ പുന്നാരേ, നിന്നെക്കാണാൻ വരുന്നു ഞാൻ ഞങ്ങടെ കുട്ടൻ മൈക്കേൽ പുസിയോ തന്നൊരു നിൻ പേരെന്തു കിടു

- അനു ബി കരിങ്ങന്നൂർ

മനുഷ്യമനസ്സു പോലുള്ള ഒന്ന് ഒസൈറിസ് റെക്സ് (OSIRIS REx) എന്ന ബഹിരാകാശപേടക ത്തിന് ഉണ്ടായിരുന്നുവെങ്കിൽ, ബെന്നുവിലേക്കുള്ള യാത്രയ്ക്കിടയിൽ ഇങ്ങനെയൊരു പാട്ട് അതു പാടിയേനെ. അപ്പോൾ, ആരാണീ ബെന്നു? ബെന്നുവിനെ കാണാൻ പോയതാരാണ്? കുട്ടിയായ മൈക്കേൽ പുസിയോ ചെയ്തതെന്താണ്? എല്ലാം പറയാം. നമ്മൾ ബഹിരാകാശത്തേക്കയച്ച ഒരു വാഹനത്തിന്റെ ഏഴുവർഷം നീണ്ട രസകരമായ ഒരു യാത്രയുടെ കഥ കൂടിയാണത്.