പുതിയ രോഗങ്ങൾ പുതിയ അറിവുകൾ

ഇതൊക്കെയാണെങ്കിലും ചുരുക്കം ചില രോഗാണുക്കൾ ശരീരത്തിനുള്ളിൽ കടന്ന് രോഗമുണ്ടാക്കിയാൽ നമുക്കത് ചികിത്സിച്ച് ഭേദമാക്കാൻ ഇന്നും വലിയ ബുദ്ധിമുട്ടാണ്

- ഡോ. കെ പി അരവിന്ദൻ

എന്റെ കുട്ടിക്കാലത്ത് അമ്മമ്മ ഒരുപാട് കഥകൾ പറഞ്ഞു തരുമായിരു ന്നു. പുരാണങ്ങളിലെ മാന്ത്രികകഥകളും പിന്നെ അവരുടെ ചെറുപ്പകാലത്ത് വായിച്ച പുസ്തകങ്ങളിലെ കഥകളും മറ്റും മറ്റും. അതിന്റെ കൂടെ അവർ കുട്ടിയാ യിരുന്ന കാലത്തെ പല കാര്യങ്ങളും പറയുമായിരുന്നു. അന്നൊക്കെ എല്ലാവർ ക്കും എട്ടും പത്തും കുട്ടികൾ ഉണ്ടാവുക സാധാരണം. പക്ഷെ അതിൽ പകുതിയോളം പേർ മാത്രമേ പത്തുവയസ്സു വരെയെങ്കിലും ജീവിക്കൂ. ബാക്കിയുള്ളവർ ചെറുപ്പത്തിലേ മരിച്ചു പോകുമായിരുന്നു. രോഗാണുക്കൾ ഉണ്ടാക്കുന്ന പകർച്ചവ്യാധികൾ ആയിരുന്നു ഇതിനുള്ള പ്രധാന കാരണം. ഡിഫ്തീരിയ, ടെറ്റനസ്, വില്ലൻചുമ, ക്ഷയം എന്നിങ്ങനെ പലപല രോഗങ്ങൾ. കൂടാതെ വയറിളക്കം, ശ്വാസകോശത്തെ ബാധിക്കുന്ന ന്യൂമോണിയ, തലച്ചോറിനെ ബാധിക്കുന്ന മെനിഞ്ചൈറ്റിസ് എന്നിവയൊക്കെ പിടിപെട്ടാലും മരിക്കുക പതിവായിരുന്നു.

എന്നാൽ അന്നത്തെപ്പോലെയല്ല ഇപ്പോഴത്തെ സ്ഥിതി. ഇപ്പോൾ കുട്ടികൾ മരിക്കുന്നത് വളരെ കുറവാണ്. എന്താണ് ഈ മാറ്റത്തിനു കാരണമെന്ന് ആലോചിച്ചു നോക്കിയിട്ടുണ്ടോ? കഴിഞ്ഞ നൂറു കൊല്ലത്തിനിടയിൽ വന്ന ഈ വലിയ മാറ്റങ്ങൾ മനുഷ്യൻ കൊണ്ടുവന്നതാണ്. സയൻസ് ഉപയോഗിച്ചു കൊണ്ട് ഉണ്ടാക്കിയ നേട്ടങ്ങൾ ആണിവയെല്ലാം. പ്രധാനമായും മൂന്നു കാര്യങ്ങളാണ് ഇതിനു കാരണമായിത്തീർന്നത്.

1 രോഗാണുക്കളാണ് പല ഉണ്ടാക്കുന്നതെന്ന രോഗങ്ങളും അറിവും അവ പകരാതിരിക്കാൻ തിളപ്പിച്ച വെള്ളം കുടിക്കുന്നതും, ദേഹവും പരിസരവും വൃത്തിയായി വെയ്ക്കുന്നതും ഭക്ഷണം ശുചിയോടെ പാകം ചെയ്തു കഴിക്കുന്നതും ഒക്കെ ഇത്തരം രോഗങ്ങൾ കുറയാൻ കാരണ മായി. മാലിന്യങ്ങൾ നീക്കം ചെയ്യാൻ കക്കൂസുകളും ഓവുചാലുകളും മറ്റും ഉണ്ടാക്കി എല്ലാ മനുഷ്യരെയും സംര ക്ഷിക്കുന്നതും പലവിധ രോഗങ്ങൾ ചെറുക്കാൻ നമ്മെ സഹായിച്ചു.