പൊടിപൊടിക്കും, വരുമാനം

പഴയ പ്ലാസ്റ്റിക് പൊടിച്ചു വിൽക്കുന്നത് നല്ല വരുമാനമുണ്ടാക്കാവുന്ന സംരംഭമാണ്

- ടി.എസ്. ചന്ദ്രൻ

എല്ലാത്തരം പഴയ പ്ലാസ്റ്റിക് ഉൽപന്നങ്ങളും ഗ്രാന്യൂളുകളായി രൂപമാറ്റം വരുത്തി വാണിജ്യാടിസ്ഥാനത്തിൽ വിൽക്കുന്നത് നല്ലൊരു സംരംഭസാധ്യതയാണ്. ധാരാളം പ്ലാസ്റ്റിക് ഉൽപന്നങ്ങൾക്കുള്ള അസംസ്കൃത വസ്തുവാണ് ആർപി ഗ്രാന്യൂൾസ്. വ്യത്യസ്തമായ പ്ലാസ്റ്റിക് മോൾഡഡ് ഉൽപന്നങ്ങൾ നിർമിക്കാൻ ഇവ ഉപയോഗിക്കുന്നു. ഉപയോഗശൂന്യമായ എല്ലാത്തരം പ്ലാസ്റ്റിക് വസ്തുക്കളും ഈ സംരംഭത്തിൽ ഉപയോഗപ്പെടുത്താം. കുറഞ്ഞ നിക്ഷേപവും മികച്ച ലാഭവിഹിതവുമാണു പ്രധാന ആകർഷണം.

നിർമാണരീതി

പ്ലാസ്റ്റിക് ഷീറ്റുകൾ, കവറുകൾ, പായ്ക്കിങ് സാമഗ്രികൾ, പ്ലാസ്റ്റിക് പാത്രങ്ങൾ, ഉപയോഗശൂന്യമായ വസ്തുക്കളുടെ പ്ലാസ്റ്റിക് ഭാഗങ്ങൾ എന്നിവയെല്ലാം ഈ സംരംഭത്തിന് ഉപയോഗിക്കാം.