സയൻസ് ഉപരിപഠനത്തിന് JAM

പരീക്ഷ ഫെബ്രുവരി 2ന്; അപേക്ഷ ഒക്ടോബർ 11 വരെ

ഐഐടി, ഐഐഎസ്സി, എൻഐടി ഉൾപ്പെടെയുള്ള സ്ഥാപനങ്ങളിലെ വിവിധ സയൻസ് കോഴ്സുകളിലെ പ്രവേശനത്തിനുള്ള ജാം' (ജോയിന്റ് അഡ്മിഷൻ ടെസ്റ്റ് ഫോർ മാസ്റ്റേഴ്സ്-2025) ഫെബ്രുവരി 2നു നടത്തും. ഓൺലൈൻ അപേക്ഷ സെപ്റ്റംബർ 3 മുതൽ ഒക്ടോബർ 11 വരെ.

ഡൽഹി ഐഐടിക്കാണു പരീക്ഷയുടെ ചുമതല. 8 സോണുകളിലായി നൂറിലേറെ കേന്ദ്രങ്ങളിൽ ഓൺലൈനായി പരീക്ഷ നടത്തും. മദ്രാസ് സോണിൽ തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം എന്നിവിടങ്ങളിലും ബെംഗളൂരു സോണിൽ തൃശൂർ, വടകര, കോഴിക്കോട്, പാലക്കാട്, കണ്ണൂർ എന്നിവിടങ്ങളിലും പരീക്ഷാ കേന്ദ്രമുണ്ട്.