പോലീസ് ഡ്രൈവർ പിഎസ്സി വക'കട്ട് ഷോർട് ലിസ്റ്റ്

മുൻ ഷോർട് ലിസ്റ്റിൽ നിന്നു മൂന്നിലൊന്നായി ചുരുങ്ങി പുതിയ ലിസ്റ്റ്

- ഷാജി പൊന്നോല

പോലീസ് കോൺസ്റ്റബിൾ ഡ്രൈവർ/വനിതാ പൊലീസ് കോൺസ്റ്റബിൾ ഡ്രൈവർ ഷോർട് ലിസ്റ്റിൽ വ്യാപക വെട്ടിനിരത്തൽ. മുൻ ഷോർട് ലിസ്റ്റിൽ 2465 പേരെ ഉൾപ്പെടു ത്തിയ സ്ഥാനത്ത് ഇത്തവണ 813 പേരെ മാത്രം ഉൾപ്പെടുത്തി പിഎസ്സി ലിസ്റ്റ് മൂന്നിലൊന്നായി വെട്ടിച്ചുരുക്കി. കട്ട് ഓഫ് മാർക്ക് 55.33.

കഴിഞ്ഞ തവണത്തെ മെയിൻ ലിസ്റ്റിൽ 1518 പേരെ ഉൾപ്പെടുത്തിയപ്പോൾ ഇത്തവണത്തെ മെയിൻ ലിസ്റ്റിൽ 560 പേരേയുള്ളൂ. മുൻ സപ്ലിമെന്ററി ലിസ്റ്റിൽ 947 പേരുണ്ടായിരുന്നിടത്ത് ഇത്തവണ 253 പേർ മാത്രം. മുൻ റാങ്ക് ലിസ്റ്റിൽ നിന്നു 1035 പേർക്കു നിയമന ശുപാർശ ലഭിച്ചിരുന്നു.