സിംഹളമണ്ണിലെ പെൺപുലി

വാർത്തയിലെ വ്യക്തിമുദ്രകൾ

- ശ്വേത എസ്.നായർ

ശ്രീലങ്കൻ പ്രധാനമന്ത്രിയായി രണ്ടാം വട്ടവും തിരഞ്ഞെടുക്കപ്പെട്ട ഹരിണി അമരസൂര്യയുടെ നേട്ടത്തിൽ ഇന്ത്യയ്ക്കും അഭിമാനിക്കാം ജയവർധനെപുര കോട്ടെയിൽ ലങ്കയുടെ പ്രധാനമന്ത്രിയായി ഹരിണി അമരസൂര്യ വീണ്ടും ഉദിച്ചുയരുമ്പോൾ ചരിത്രം ആവർ ത്തിക്കുകയാണു സിംഹളരാഷ്ട്രീയം. ലോക രാഷ്ട്രീയ ഭൂപടത്തിൽ ആദ്യമായി ഒരു വനിതാ പ്രധാനമന്ത്രിയെ രേഖപ്പെടുത്തിയ മണ്ണാണ് ശ്രീലങ്കയുടേത്. ലങ്കയുടെ മൂന്നാമത്തെ വനിതാ പ്രധാനമന്ത്രിയാണു ഹരിണി അമരസൂര്യ. ഹരിണിക്കു മുൻപേ ലങ്കയെ നയിക്കാൻ നിയോഗിക്കപ്പെട്ട രണ്ടു വനിതകളും അധികാരക്കസേരയിൽ ഏറെക്കാലം വാണവർ. പ്രധാനമന്ത്രി പദത്തിലേക്കുള്ള രണ്ടാം വരവോടെ ഹരിണിയും ആ വഴിക്കു തന്നെയെന്നാണു ലങ്കൻ രാഷ്ട്രീയം വിധിയെഴുതുന്നത്.

പഠനവഴികളിൽ ഇന്ത്യയും