ആകാശം കീഴടക്കിയ ചൈക വാലന്റീന തെരഷ്കോവ

പ്രചോദനത്തിന്റെ ജീവിതവഴികൾ

- അശ്വിൻ നായർ

ലോകം ഉറ്റു നോക്കിയ ഒരു യാത്രയ്ക്കാണു കഴിഞ്ഞ ദിവസം ശുഭപര്യവസാനമുണ്ടായത്. ഇന്ത്യയുടെ മകൾ കൂടിയായ സുനിത വില്യംസ് 287 ദിവസത്തെ ബഹിരാകാശവാസത്തിനു ശേഷം സ്പേസ്എക്സ് പേടകത്തിലേറി ഭൂമിയിൽ തിരിച്ചെത്തി. ഇതുവരെ നൂറിലേറെ വനിതകൾ ബഹിരാകാശം താണ്ടിയിട്ടുണ്ട്. ബഹിരാകാശത്തേക്ക് ആദ്യമായി ഒരു വനിത പോയത് 1963ലാണ്. വാലന്റീന തെരഷ്കോവയായിരുന്നു ആ യാത്രിക. സോവിയറ്റ് ദൗത്യമായ വോസ്റ്റോക്കിന്റെ പേടകത്തിലാണു വാലന്റീന തന്റെ 26-ാം വയസ്സിൽ ബഹിരാകാശത്തെത്തിയത്. ബഹി രാകാശത്തേക്ക് ഒറ്റയ്ക്കു യാത്ര ചെയ്ത ഏക വനിതയും ഇതുവരെ പോയവരിൽ ഏറ്റവും പ്രായം കുറഞ്ഞ വനിതയും തെരഷ്കോവയാണ്. ഒരൊറ്റ ബഹിരാകാശ യാത്രയിലൂടെ ആഗോള പ്രശസ്തിയിലേക്ക് ഉയർന്ന തെരഷ്കോവ ഒട്ടേറെ കഷ്ടപ്പാടുകൾ തരണം ചെയ്താണു ചരിത്രത്തിന്റെ ഭാഗമായത്.