மாயமாகும் பாண்டிச்சேரி கடற்கரை!

பாண்டிச்சேரி என்றாலே சரக்கும், பீச்சும்தான் நினைவுக்கு வரும். அந்தளவுக்கு இவைதான் புதுச்சேரி குறித்து மனதில் தோன்றும் பிம்பம்.

- டி.ரஞ்சித்

இன்று சரக்குக்கு காலாகாலத்துக்கும் பஞ்சமில்லை. ஆனால், கடற்கரைதான் பாவம். தன் கம்பீரத்தை, அழகை புதுச்சேரி பீச் இழந்து வருவதாக சொல்கிறார்கள்.

இதற்கு ஏற்ப பாண்டியின் கடற்கரை பரப்பில் சுமார் 56 சதவீதம் காணாமல் போய்விட்டதாக சொல்கிறது ஒரு ஆய்வு.

இந்தியாவின் மொத்த கடற்கரைப் பரப்பு சுமார் 6000 கிலோமீட்டர். இதில் சுமார் 30லிருந்து 40 சதவீதம் வரை காணாமல் போய்விட்டதாக அந்த ஆய்வு சொல்கிறது.

இப்படி காணாமல் போன பீச்சில் ஒன்றுதான் பாண்டிச்சேரியின் கடற்கரை.

பாண்டிச்சேரிக்கு சரக்குக்கு படையெடுக்கும் வெளியூர்காரர்களை விட பீச்சைப் பார்க்க வரும் சுற்றுலாப் பயணிகள்தான் அதிகம்.

எடுத்துக்காட்டாக பாண்டிக்கு வருடத்துக்கு சுமார் 18 லட்சம் டூரிஸ்டுகள் படையெடுக்கிறார்களாம். மட்டுமல்ல... பாண்டியின் கடல் தொழிலை நம்பி வாழ்ந்த மீனவர்கள் மட்டும் பாண்டியின் மக்கள் தொகையில் சுமார் 12 சதவீதம்.

இந்நிலையில் புதுச்சேரியின் கடற்கரை காணாமல்போனால் மீன் தொழில் எப்படி செய்வது?

பாண்டியின் கடற்கரைக்கு செல்பவர்கள் பீச்சுக்குள் கொட்டப்பட்டிருக்கும் பெரிய பெரிய பாறாங்கற்களைப் பார்த்திருக்கலாம். கடல் அரிப்பை தடுக்கக் கொட்டப்பட்ட கற்கள் அவை.

இந்நிலையில் ஏன புதுச்சேரியில் கடற்கரை காணாமல் போனது என்பது குறித்து பாண்டியின் கடற்கரையை அறிந்த சந்திரனைப் பிடித்து விசாரித்தோம்.

இவர் சென்னை பெசன்ட் நகர் ஊரூர் குப்பத்தின் மீனவர் என்பது சிறப்பு. பாண்டி மட்டும் அல்லாது சென்னையின் மெரினா கடற்கரை குறித்தும் அவர் பேசத் தொடங்கினார்.

"பாண்டிச்சேரியின் கடற்கரையில் பாதி இல்லாமல் போனதற்கான முதன்மையான காரணம் அங்கு கட்டப்பட்ட துறைமுகம். இந்தத் துறைமுகம் 1986ல் கட்டப்பட்டது.