റിയാസ്ഖാന്റെ സ്വപ്നം

മലയാളത്തിൽ നാൽപ്പത്തിയൊന്ന് സിനിമകൾ. ഹൻ റഷീദാണ് റിയാസ്ഖാന്റെ അച്ഛൻ. ജഡ്ജിയായിരുന്ന മുത്തശ്ശൻ അസ്സൻ ഗനിയാവട്ടെ മുസ്ലീം ലീഗിന്റെ എം.എൽ.എയുമായിരുന്നു. ചെറിയച്ഛൻ ലത്തീഫ് ലോ കോളേജിൽ മമ്മൂട്ടിയുടെ സഹപാഠിയായിരുന്നു. റിയാസ്ഖാന്റെ ജനിച്ചത് ചെന്നൈയിലാണ്. ഓർമ്മവെച്ച നാൾ മുതൽ റിയാസ്ഖാൻ കേൾക്കുന്നത് മലയാളസിനിമയിലെ വിശേഷങ്ങളാണ്. ചെന്നൈയിലെ ചൂളൈമേട് ട്രസ്റ്റ് പുരത്തെ വീട്ടിൽ മലയാള സിനിമകൾ മാത്രം നിർമ്മിച്ചി ട്ടുള്ള അച്ഛനെത്തേടി ധാരാളം സിനിമാക്കാർ വരുന്നത് റിയാസ്ഖാൻ ചെറുപ്പത്തിലേ കണ്ടിട്ടുണ്ട്.

- എം.എസ്. ദാസ്

ദക്ഷിണേന്ത്യൻ ഭാഷാചിത്രങ്ങളിൽ സജീവ സാന്നിദ്ധ്യമായ റിയാസ്ഖാൻ തന്റെ ചലച്ചിത്രാഭിനയ വഴികളെക്കുറിച്ച് സംസാരിക്കുകയാണ്.

 മണിരത്നം സംവിധാനം ചെയ്യുന്ന ബിഗ്ബജറ്റ് ചിത്രമായ പൊന്നിയിൽ ശെൽവനിലെ റിയാസ്ഖാന്റെ കഥാപാത്രത്തെക്കുറിച്ച്

 പൊന്നിയിൽ ശെൽവനുവേണ്ടി ഏഴ് മാസമാണ് ഞാൻ ഡേറ്റ് നൽകിയത്. ഷാർപ്പ് ഷൂട്ടറായ സോമൻ സാമ്പറാന്നെ രാജാവായ കഥാപാത്രത്തെയാണ് ഞാൻ അവതരിപ്പിച്ചത്. മൂന്ന്  മണിക്കൂർ ദൈർഘ്യമുള്ള സിനിമയിൽ തമിഴിലെ സൂപ്പർതാരങ്ങൾ ഉൾപ്പെടെ വളരെ വലിയൊരു താരനിരയുണ്ടെങ്കിലും നായകന്മാരില്ല. പ്രധാനമായും ഐശ്വര്യറായാണ് നന്ദിനിയെന്ന നായികാകഥാപാത്മായി അഭിനയിക്കുന്നത്. 2019 ൽ ശ്രീലങ്കയിൽ നിന്നാണ് ചിത്രീകരണത്തിന് തുടക്കം കുറിച്ചത്.

കഥാപാത്രത്തിനുവേണ്ടി എന്തെങ്കിലും തയ്യാറെടുപ്പുകൾ നടത്തിയിരുന്നോ...?

തീർച്ചയായും. മൂന്നുവർഷത്തോളം താടി വളർത്തേണ്ടി വന്നു. വാൾപ്പയറ്റ് പരിശീലിച്ചു. മാത്രമല്ല അമ്പും വില്ലും പഠിക്കേണ്ടി വന്നു. മാസങ്ങളോളം ജിമ്മിൽ പോയിരു ന്നു. നാല് മാസത്തോളം ഹോഴ് റെയ്സ് പരിശീലിച്ചു. നമിതയുടെ കൂടെ അഭിനയിച്ച ജഗൻ മോഹിനിയിൽ എന്റെ ഫൈറ്റ് സീൻ കണ്ടാണ് മണിരത്നം സാർ എന്നെ പൊന്നിയൻ ശെൽവത്തിലേക്ക് സെലക്ട് ചെയ്തത്. ആദ്യമായി തമിഴിന്റെ ചരിത്രം പറയുന്ന ഈ സിനിമ നൂറുവർഷം കഴിഞ്ഞാലും റഫറൻസായി നില നിൽക്കും.

ദക്ഷിണേന്ത്യൻ ഭാഷാചിത്രങ്ങളിൽ അഭിനയിച്ചതിന്റെ എക്സ്പീരിയെൻസിനെക്കുറിച്ച്