തൊട്ടതെല്ലാം പൊന്ന്

സംവിധായകൻ എന്ന നിലയിൽ രണ്ട് ദേശീയ പുരസ്ക്കാരങ്ങളും ആഗോളനിലയിൽ പ്രേക്ഷകശ്രദ്ധയും നേടിയ ക്രിസ്റ്റോടോമിയുടെ വിശേഷങ്ങളിലൂടെ...

- രജനികൃഷ്ണ

സിനിമയിലേക്കുള്ള തുടക്കവും രണ്ട് നാഷണൽ അവാർഡും സ്ക്കൂൾ കാലഘട്ടത്തിൽ തിയേറ്ററിൽ പോയി കണ്ട സ്ഫടികവും കമ്മീഷണറും എല്ലാം ഉള്ളിൽ സിനിമയുടെ വിത്ത് പാകിയിട്ടുണ്ട്. അന്ന് കാസറ്റ് വാങ്ങി സിനിമകൾ കാണുന്ന രീതിയായിരുന്നു. ഏതൊരു സാധാരണക്കാരനെയും പോലെ സിനിമയോട് ഒരു താൽപ്പര്യം ആ പ്രായത്തിലെപ്പോഴോ തോന്നിത്തുടങ്ങിയതാണ്. അമ്മ ഷൈനി ടോമി നന്നായിട്ട് എഴുതുമായിരുന്നു. അതിന്റെ ചുവടുപിടിച്ചു ഞാനും എഴുതാനും വായിക്കാനും തുടങ്ങി. പഠിക്കാൻ മിടുക്കനായി രുന്ന ഞാൻ ഏതെങ്കിലും സയൻസ് മേഖലയിൽ എത്തിപ്പെടും എന്നാണ് എല്ലാവരും വിധിയെഴുതിയത്. എന്നാൽ ഉള്ളിൽ പണ്ട് പാകിയ സിനിമയുടെ വിത്തുകൾ വളക്കൂറോടെ ഉള്ളിൽ മുളച്ചുപൊന്തിയിരുന്നു. സിനിമ പഠിക്കണം എന്ന് അതി യായി ആഗ്രഹിച്ചു. പ്ലസ് ടു കഴിഞ്ഞ് സിനിമ പഠിക്കുന്നതി നെക്കുറിച്ചുള്ള അന്വേഷണം തുടങ്ങിയപ്പോഴാണ് ഡിഗ്രി അടിസ്ഥാനം ആയി വേണം എന്നത് അറിയുന്നത്. അങ്ങനെ തിരുവനന്തപുരം മാർ ഇവാനി യോസിൽ മാസ്സ് കമ്മ്യൂണിക്കേഷൻ പഠിച്ചു. കണക്കിൽ മുൻപന്തിയിൽ നിന്നിരുന്ന ഞാൻ എഞ്ചിനീയറിംഗ് എൻട്രൻസ് കോച്ചിംഗ് പാതിവഴിയിൽ നിർത്തിയതിന് അമ്മ നിർത്താതെ കരഞ്ഞത് ഇപ്പോഴും ഓർമ്മയിലുണ്ട്. സിനിമയെക്കുറിച്ച് ഒന്നും അറിയാത്ത ഒരു വീട്ടിൽ സിനിമ കരിയർ ആയി എടുക്കണം എന്ന് പറഞ്ഞപ്പോൾ എല്ലാവരും ഒന്ന് ഞെട്ടി യിരുന്നു. പക്ഷേ ആഗ്രഹം ശക്തമായതുകൊണ്ട്, എൻട്രൻസ് എഴുതി കൊൽക്കത്ത സത്യജിത് റായി ഫിലിം ഇൻസ്റ്റിറ്റ്യൂട്ടിൽ സിനിമ പഠിക്കാൻ പോയി.