അവളുടെ കഥകൾ പറയുന്ന HER

Her... അവളുടെ...അതെ, അവളുടെ കഥകൾ പറയുന്ന ഒരു ആന്തോളജി സിനിമയാണ് Her.

- ജി. കൃഷ്ണൻ

Her...

അവളുടെ...അതെ, അവളുടെ കഥകൾ പറയുന്ന ഒരു ആന്തോളജി സിനിമയാണ് Her. അഞ്ച് വ്യത്യസ്തരായ സ്ത്രീകളുടെ കഥകൾ പറയുന്നു. ആ അഞ്ച് വ്യത്യസ്തമായ കഥാപാത്രങ്ങളെ ഉർവശി, പാർവ്വതി തിരുവോത്ത്, ഐശ്വര്യ രാജേഷ്, രമ്യാന മ്പീശൻ, ലിജോമോൾ എന്നിവരാണ് അവതരിപ്പിക്കുന്നത്.

തികച്ചും ഫീമെയിൽ ഓറിയന്റഡായിട്ടുള്ള ഈ സിനിമയിൽ അഞ്ച് വ്യത്യസ്ത കഥകളും വൈവിദ്ധ്യമുള്ള അഞ്ച് കഥാപാത്രങ്ങളും വരുന്നതുകൊണ്ടുതന്നെ "ഹെർ' എന്ന സിനിമ ആ രീതിയിൽ പുതുമ അർഹിക്കുന്നു.

“പ്രേമലു സിനിമയിലൂടെ പ്രശസ്തി നേടിയ മമിത ഈ ചിത്രത്തിൽ ഒരു അതിഥിവേഷം ചെയ്യുന്നു എന്നുള്ളതാണ് മറ്റൊരു സവിശേഷത.

ശാന്ത എന്നുപേരുള്ള ഒരു വീട്ടമ്മയായിട്ടാണ് ഉർവശി ഈ സിനിമയിൽ അഭിനയിക്കുന്നത്. ശാന്തയുടെ ഭർത്താവായി അഭിനയിച്ചത് പ്രതാപ് പോത്തനാണ്. ഇവരുടെ ജീവിതത്തിന്റെ കഥാസന്ദർഭങ്ങൾ സംസാരിക്കുന്ന വിഷയം പ്രണയമാണ്.

ഇന്ന് സമൂഹത്തിൽ സ്ത്രീകൾനേരിടുന്ന ഒട്ടേറെ പ്രശ്നങ്ങളുണ്ട്. പരിഹാരം കാണാത്ത അത്തരം പ്രശ്നങ്ങളും അനുഭവങ്ങളും അധികൃതരെ അറിയിക്കുന്ന ഒരു ചൂണ്ടുപലക കൂടിയാണ് ഈ സിനിമ. പൊതു ഇടങ്ങളിൽ ടോയ്ലറ്റ് സൗകര്യങ്ങൾ നല്ല രീതിയിൽ ചെയ്തിട്ടില്ലാത്ത എത്രയോ സ്ഥലങ്ങളുണ്ട്. ഇതിനെതിരെ ഉച്ചത്തിൽ ശബ്ദിക്കുന്ന സന്ദർഭങ്ങൾ ഈ സിനിമയുടെ ഒരു വിഭാഗത്തിൽ വരുന്നുണ്ട്. അതുമായ ബന്ധപ്പെട്ട ഉദ്യോഗസ്ഥർക്ക് നേരെ വിരൽ ചൂണ്ടുന്ന ആ കഥയിലെ മുഖ്യകഥാപാത്രമാകുന്നത് നടി ഐശ്വര്യ രാജേഷാണ്.