അച്ഛാച്ഛനാണ് എന്റെ ആദ്യഗുരു

തെലുങ്കിലും തമിഴിലും തിളങ്ങാൻ ഒരുങ്ങുന്ന ആതിരരാജ് മലയാളത്തിൽ നല്ല പ്രോജക്ടുകൾക്കായി കാത്തിരിക്കുകയാണ്

- ബിന്ദു പി.പി

അച്ഛാച്ഛൻ പപ്പൻ ചിരന്തനയുടെ നാടകങ്ങളും സീരിയലുകളും സിനിമകളും കണ്ടാണ് കുഞ്ഞു ആതിര വളർന്നത്. സ്ക്കൂൾ കാലഘട്ടങ്ങളിൽ അച്ഛാച്ഛൻ ബഹ്റിനിൽ നിന്ന് ഫോണിൽ വിളിച്ച് മോണോ ആക്ട് പഠിപ്പിച്ചതെല്ലാം ഇന്നലെ കഴിഞ്ഞപോലെ ആതിരയ്ക്ക് ഓർമ്മയുണ്ട്. നൃത്തം ചെയ്യുന്ന കുട്ടി, മോണോആക്ട് ചെയ്യുന്ന കുട്ടി എന്നതിലുപരി ആതിരയിലെ അഭിനേത്രിയെ ആദ്യമായി കണ്ടെത്തുന്നത് പ്രിയപ്പെട്ട ഷൈലജ ടീച്ചറായിരുന്നു. അച്ഛാച്ഛൻ തന്റെ പേരക്കുട്ടിയുടെ മുഖം ബിഗ് സ്ക്രീനിൽ കാണാൻ ഒരുപാട് ആഗ്രഹിച്ചിരുന്നു. എന്നാൽ തന്റെ സിനിമകൾ കാണാൻ നിൽക്കാതെ അച്ഛാച്ഛൻ പോയത് ആതിരയുടെ മനസ്സിൽ നൊമ്പരമായി നീറുന്നുണ്ട്. ആതിരയുടേതായി മൂന്ന് സിനിമകളാണ് ഇനി റിലീസിന് ഒരുങ്ങുന്നത്. മൂന്നും അന്യഭാഷാ ചിത്രങ്ങൾ. തന്റെ സിനിമകൾ തീയേറ്ററുകളിൽ എത്തുമ്പോൾ അച്ഛാച്ഛൻ കാണണമെന്ന് ആഗ്രഹിച്ചുവെന്നും താൻ അച്ഛാച്ഛന്റെ എല്ലാവിധ അനുഗ്രഹവും കിട്ടിയ പേരക്കുട്ടിയാണെന്ന് പറഞ്ഞു കൊണ്ട് ആതിര രാജ് സംസാരിച്ചുതുടങ്ങി.

മൂന്ന് അന്യഭാഷാ ചിത്രങ്ങൾ