അംഗീകാരത്തിളക്കത്തിൽ

മറിമായത്തിലൂടെ മികച്ച ഹാസ്യതാരത്തിനുള്ള ഈ വർഷത്തെ സംസ്ഥാന സർക്കാരിന്റെ ടെലിവിഷൻ അവാർഡ് നേടിയ ഉണ്ണിരാജ ചെറു വത്തൂരിന് സിനിമയിൽ തിരക്കേറുകയാണ്. ഇതിനകം അമ്പതോളം സിനിമകളിൽ ചെറിയ വേഷങ്ങളിൽ അഭിനയിച്ചുകൊണ്ടാണ് ഉണ്ണിരാജ സിനിമയിൽ തന്റേതായ സാന്നിധ്യം തെളിയിച്ചിരിക്കുന്നത്.

- എം.എസ്. ദാസ് മാട്ടുമന്ത

ഓർമ്മവച്ചത് മുതൽ നാടകത്തെ ഹൃദ യത്തോട് ചേർത്തുനിർത്തിയ ഉണ്ണിരാജ ജീവിത പ്രാരാബ്ധങ്ങളെ അതിജീവിക്കാൻ പതിനെട്ട് വർഷത്തോളം പെയിന്റിംഗ് തൊഴിലാളിയായി ജോലി ചെയ്തുകൊണ്ടാണ് അരങ്ങിനെ ധന്യമാ ക്കിയത്. സ്കൂൾ യുവജനോത്സവങ്ങളിൽ നാട കം, മിമിക്രി, സ്കിറ്റ് എന്നിവയൊക്കെ കുട്ടികളെ പഠിപ്പിച്ച് മത്സരങ്ങളിൽ പങ്കെടുപ്പിക്കാൻ പ്രാപ്തരാക്കുന്നതിനോടൊപ്പം നാടകങ്ങളിൽ അഭിനയിക്കാനും സമയം കണ്ടെത്തിയ ഉണ്ണി രാജ മറിമായം പരമ്പരയിലൂടെ കുടുംബപ്രേക്ഷകരുടെ പ്രിയങ്കരനായി മാറുകയായിരുന്നു.

ഉണ്ണിരാജയ്ക്ക് മറിമായം സമ്മാനിച്ച ഇമേജിനെക്കുറിച്ച്...

സത്യത്തിൽ മറിമായമെന്ന പരമ്പരയാണ് എനിക്കൊരു ജീവിതം തന്നത്. ഞാനെന്ന വ്യക്തിയെ ആളുകൾ തിരിച്ചറിഞ്ഞതും ചെറിയ വേഷങ്ങളിലൂടെ ക്യാമറയുടെ മുന്നിൽ കഥാപാത്രമായി അഭിനയിക്കാൻ പഠിപ്പിച്ചതും മറിമായയാണ്. അത് കൊണ്ടുതന്നെ പ്രേക്ഷകർ സ്നേഹത്തോടെ മറിമായത്തിലെ എന്റെ കഥാപാത്രങ്ങളെ സ്വീകരിക്കുന്നത് കാണുമ്പോൾ സന്തോഷം തോന്നാറുണ്ട്.

പുതിയ ചിത്രമായ പത്മിനിയിലെ കഥാപാത്രത്തെക്കുറിച്ച് സൂചിപ്പിക്കാമോ...? പത്മിനിയിൽ ജഡ്ജിയായാണ് ഞാൻ അഭിനയിക്കുന്നത്. ആദ്യമായാണ് ഇത്തരമൊരു വേഷം ചെയ്യുന്നത്. യഥാർത്ഥത്തിൽ ജഡ്ജി പോലെ എന്നെ തേടിയെത്തുന്ന ഓരോ കഥപാത്രങ്ങളും പുതിയ അനുഭവങ്ങളാണ് എനിക്ക് സമ്മാനിക്കുന്നത്.