ജെന്റിൽമാൻ നൽകിയ സന്തോഷം നയൻതാര ചക്രവർത്തി

ജെന്റിൽമാൻ സിനിമയ്ക്ക് ഇപ്പോൾ ഒരു തുടർഭാഗം "ജെന്റിൽമാൻ 2 എന്ന പേരിൽ വരുന്നു

- ജി. കൃഷ്ണൻ

കുറെ വർഷങ്ങൾക്കുമുമ്പ്. തമിഴ്നടൻ അർജ്ജുനും നടി മധു ബാലയും അഭിനയിച്ച് നിർമ്മാതാവ് കെ.ടി. കുഞ്ഞുമോൻ നിർമ്മിച്ച് റിലീസായ ഒരു തമിഴ് സിനിമയുണ്ട്.

ജെന്റിൽമാൻ.

തമിഴിലും മലയാളത്തിലും ഒന്നുപോലെ റിലീസാകുകയും സൂപ്പർ ഹിറ്റായി ഓടുകയും ചെയ്ത ജെന്റിൽമാൻ എന്ന സിനിമ പ്രേക്ഷകരെ ആവോളം കീഴടക്കിയിരുന്നു. 30 വർഷങ്ങൾക്കുമുമ്പ് റിലീസായ ആ സിനിമ ഇന്നും പ്രേക്ഷകമന സ്സുകളിൽ നിറഞ്ഞു നിൽക്കുന്നുണ്ട്. നിരവധി സിനിമകൾ നിർമ്മിച്ച് പേരും പെരുമയും ചാർത്തിയിട്ടുള്ള നിർമ്മാതാവ് കെ.ടി. കുഞ്ഞുമോന് ആ സിനിമയോടെ ജെന്റിൽമാൻ കുഞ്ഞുമോൻ എന്ന പേരും വീണു.

ജെന്റിൽമാൻ സിനിമയ്ക്ക് ഇപ്പോൾ ഒരു തുടർഭാഗം "ജെന്റിൽമാൻ 2 എന്ന പേരിൽ വരുന്നു. ഈ സിനിമയിൽ ഒരു പുതുമുഖ നായിക കൂടി അരങ്ങേറ്റം ചെയ്യുന്നു. നയൻതാര ചക്രവർത്തി. പ്രേക്ഷകർക്ക് നന്നെ പരിചയമുള്ള ഈ കുട്ടി ബാലനടിയായി കുറെ സിനിമകളിൽ അഭിനയിച്ചിരിക്കുന്നതുകൊണ്ടുതന്നെ പരിചിതമാണ്.