റാണി ചിത്തിര മാർത്താണ്ഡ

കുട്ടനാട്ടുകാരുടെ ജീവിത പരിസരങ്ങളും സാഹചര്യങ്ങളുമായി ഏറെ ബന്ധമുള്ള ഒരു പ്രമേയമാണിത്

- ജി. കൃഷ്ണൻ,

‘യുവം' എന്ന ചിത്രത്തിനുശേഷം പിങ്കുപീറ്റർ എഴുതി സംവിധാനം ചെയ്യുന്ന സിനിമയാണ് റാണി ചിത്തിര മാർത്താണ്ഡ

കുട്ടനാട്ടുകാരുടെ ജീവിത പരിസരങ്ങളും സാഹചര്യങ്ങളുമായി ഏറെ ബന്ധമുള്ള ഒരു പ്രമേയമാണിത്. ഈ പ്രദേശത്ത് താമസിക്കുന്ന ഒരു സാധാരണ കുടുംബത്തിലെ അച്ഛനെയും മകനെയും ഫോക്കസ് ചെയ്തുകൊണ്ടാണ് ഈ സിനിമയുടെ കഥ വികസിക്കുന്നത്. ഇവരുമായി ബന്ധപ്പെട്ടു നിൽക്കുന്ന അന്നാട്ടിലെ ഏതാനും കഥാപാത്രങ്ങളും ഈ സിനിമയുടെ ഭാഗമാകുന്നുണ്ട്.

ഇവിടെ അച്ഛൻ ഒരു മെഡിക്കൽ ഷോപ്പുടമയാണ്. ഒരു  പ്രത്യേക സാഹചര്യത്തിൽ അച്ഛനിൽ നിന്നും ആ സ്ഥാപനം മകൻ ഏറ്റെടുക്കുകയാണ്. മുൻതലമുറയിൽ നിന്നും പുതിയ തലമുറക്കാരനായ മകൻ ബിസിനസ്സ് രംഗത്ത് കാലൂന്നിയപ്പോൾ മുതൽ ചില പ്രശ്നങ്ങൾ ഉടലെടുക്കുന്നു. പ്രതിസന്ധികളെ മറികടക്കാനുള്ള ആ ഇളം തലമുറക്കാരന്റെ ശ്രമം പക്ഷേ, പുതിയതായി വന്നുചേരുന്ന മറ്റു ചില സംഭവങ്ങളിലേക്കാണ് എത്തിപ്പെട്ടത്. ഇതിനിടയിൽ ചെറുപ്പക്കാരനായ ആൻസന്റെ പ്രണയവും ചില പുത്തൻ സംഭവങ്ങൾക്ക് വഴിയൊരുക്കി.