നിർമ്മാണമേലങ്കി അണിഞ്ഞ് എബ്രിഡ് ഷൈൻ

സിനിമയെ ഗൗരവത്തോടെ സമീപിക്കുന്ന എബ്രിഡ് ഷൈൻ സംസാരിക്കുകയാണ്.

- എം.എസ്. ദാസ് മാട്ടുമന്ത 

എബ്രിഡ് ഷൈൻ ശുഭാപ്തിവിശ്വാസിയാണ്. സിനിമയെന്ന മാധ്യമത്തിന്റെ നവീനമായ സാധ്യതകളിലൂടെ പ്രേക്ഷകരുടെ പൾസറിഞ്ഞാണ് എബ്രിഡ് ഷൈൻ പ്രയാണം തുടരുന്നത്. പുതുമയുള്ള ഇതിവൃത്തത്തിലൂടെ ഏറെ ചർച്ച ചെയ്യപ്പെട്ട 1983, ആക്ഷൻ ഹീറോ ബിജു, പൂമരം എന്നീ സിനിമകളുടെ രചനയും സംവിധാനവും നിർവ്വഹിച്ച് മലയാള സിനിമയിൽ തന്റേതായ ഇടം കണ്ടെത്തിയ എബ്രിഡ് ഷൈൻ നാലാം ചിത്രമായ റേച്ചലിൽ തിരക്കഥാ രചനയ്ക്ക് പുറമെ നിർമ്മാതാവിന്റെ മേലങ്കിയണിഞ്ഞിരിക്കുന്നു. ചെറുപ്പം മുതൽക്കേ ഫോട്ടോഗ്രാഫിയുടെ വഴിയിലൂടെ സഞ്ചരിച്ച എബ്രിഡ് ഷൈൻ വർഷങ്ങളോളം മലയാളത്തിലെ പ്രമുഖ പത്രങ്ങളിലും, മാസികകളിലും ഫോട്ടോഗ്രാഫറായി പ്രവർത്തിച്ചതിന്റെ അനുഭവങ്ങളുമായാണ് 1983 എന്ന ചിത്രത്തിലൂടെ സംവിധാനശാഖയിലേക്ക് കടന്നുവന്നത്. പാലക്കാട്ടെ കൊടുവായൂരിൽ ചിത്രീകരണം നടന്ന റേച്ചൽ എന്ന സിനിമയുടെ സെറ്റിൽ വെച്ചാണ് എബ്രിഡ് ഷൈനെ കണ്ടത്. സിനിമയെ ഗൗരവത്തോടെ സമീപിക്കുന്ന എബ്രിഡ് ഷൈൻ സംസാരിക്കുകയാണ്.

സംവിധായകനും തിരക്കഥാകൃത്തുമായ താങ്കൾ റേച്ചലിലൂടെ നിർമ്മാതാവാകുകയാണല്ലോ..?