മലയാളിയുടെ പ്രബുദ്ധതയും തമിഴൻ സാർവിളിയും...

സംഗതി ഇങ്ങിനൊക്കെയാണെങ്കിലും നാം പാണ്ടികളെന്നും അണ്ണാച്ചിയെന്നുമൊക്കെ പറഞ്ഞ് പരിഹസിക്കുന്ന തമിഴന്മാരുടെ കാര്യം ഇങ്ങിനൊന്നുമല്ല കേട്ടോ

- അനീഷ് മോഹനചന്ദ്രൻ

ഗിവ് റെസ്പക്ട് ആന്റ് ടേക് റെസ്പക്ട് എന്നാണല്ലോ പറയാറ്. അതായത് നാം ആർക്കെങ്കിലുമൊക്കെ ബഹുമാനം നൽകിവേണം അത് അതേ നാണയത്തിൽ തിരികെ വാങ്ങാൻ. ഇത് തികച്ചും വിനയത്തിന്റെ ഭാഷയിൽ ലിഖിതമായിട്ടുള്ള അലിഖിത സംഗതിയാണ്. നാം വിനയാന്വിതരായി നിന്നാൽ മാത്രമേ നമ്മളോടും മറ്റുള്ളവർ വിനായാന്വിതരാവുക യുള്ളൂ എന്നും ഇതിലൂടെ വായിച്ചെടുക്കാം. എന്നാൽ പ്രബുദ്ധരെന്ന് ഊറ്റം കൊള്ളുന്ന നാം മലയാളികൾ വിനയത്തിന്റെ കാര്യത്തിൽ എത്രത്തോളം മുന്നിലാണ് എന്ന് ചോദിച്ചാൽ ഒന്നാലോചിച്ച ശേഷം മാത്രമേ ഉത്തരം നൽകാൻ സാധിക്കുകയുള്ളൂ. ബഹുഭൂരിപക്ഷം വരുന്ന മലയാളികളും മറ്റുള്ളവരെ ബഹുമാനിക്കുന്ന കാര്യത്തിലും അവരോട് വിനയപുരസ്സരം പെരുമാറുന്ന കാര്യത്തിലും പിന്നിലാണ് എന്നു പറഞ്ഞാൽ അതിൽ തെറ്റുണ്ടാകില്ല. മേൽപ്പറഞ്ഞ പ്രബുദ്ധത' എന്ന ബാദ്ധ്യതയാകാം മലയാളിക്ക് ഇവിടെ തിരിച്ചടിയാകുന്നത് എന്ന് സ്വാഭാവികമായും അനുമാനിക്കേണ്ടിവരും.