ഒരു അന്വേഷണത്തിന്റെ തുടക്കം

കോട്ടയം കഞ്ഞിക്കുഴിയിലെ കോട്ടയം ക്ലബ്ബിൽ സ്വാസിക, കലാഭവൻ ഷാജോൺ, ബിജു സോപാനം, ഷഹീൻ സിദ്ധിഖ്, എം.എ. നിഷാദ് എന്നിവർ ഒത്തു കൂടിയിരിക്കുന്നു.

- വാഴൂർ ജോസ്

എം.എ. നിഷാദ് തിരക്കഥ രചിച്ച് സംവിധാനം ചെയ്യുന്ന ഒരു അന്വേഷണത്തിന്റെ തുടക്കം എന്ന ചിത്രത്തിന്റെ ചിത്രീകരണം സി.എം.എസ് കോളേജിലായിരുന്നു. വലിയ ജനപങ്കാളിത്തത്തോടെ അതിനിർണ്ണായകമായ ഒരു രംഗമായിരുന്നു രാവിലെ സി.എം.എസ് കോളേജിൽ ചിത്രീകരിച്ചത്.

ഒരു ഇൻവെസ്റ്റിഗേഷൻ രംഗമാണിവിടെ ചിത്രീക രിക്കുന്നത്. പോലീസ് ടീം അംഗങ്ങളായി സ്വാസിക, ബിജു സോപാനം, ഷഹീൻ സിദ്ധിഖ്, എം.എ.നിഷാദ് എന്നിവർ വേഷമിടുന്നു. ഒരു പോലീസ് ക്ലബ്ബ് ആയിട്ടാണ് ഇവിടം ചിത്രീകരിക്കുന്നത്.

പോലീസ് ടീമിലുള്ള അഭിനേതാക്കളെല്ലാം സിവിൽ കോസ്റ്റ്യൂംസ് ആണ് അണിഞ്ഞിരി ക്കുന്നത്. ആരാണി ബെൻസി പ്രൊഡ ക്ഷൻസിന്റെ ബാനറിൽ കെ.വി. അബ്ദുൾ നാസ്സർ നിർമ്മിക്കുന്ന ഈ ചിത്രത്തിന്റെ ചിത്രീകരണം കഴിഞ്ഞ കുറേ ദിവസങ്ങളിലായി കോട്ടയത്തും പരിസരങ്ങളിലുമായി നടന്നുവരികയാണ്.

ജീവൻ തോമസ് എഞ്ചിനീയറിംഗ് ബിരുദ ധാരിയായ മാധ്യമപ്രവർത്തകനും സ്വന്തമായ നിലപാടുകളും അനീതിക്കെതിരെ കലഹിക്കുന്നവനുമാണ്.

ഈ മാധ്യമപ്രവർത്തകനെ ഒരു സുപ്രഭാതത്തിൽ കാണാതാകുന്നു. പോലീസിന്റെ പല വിധത്തിലുള്ള അന്വേഷണങ്ങളിലൊന്നും ഇയാളെ കണ്ടെത്താനായില്ല. ഇതിനിടയിലാണ് പ്രമാദമായ വാകത്താനം കൂട്ടക്കൊല കേസ്സുണ്ടാകുന്നതും കൊച്ചമ്മിണി ഔസേപ്പ് സ്ത്രീ പ്രതി ചേർക്കപ്പെടുന്നതും.