കൊച്ചുത്രേസ്യ എനിക്കൊരു മേൽവിലാസം തന്നു..

അപ്രതീക്ഷിതമായി സിനിമയിലെത്തി.. ഇപ്പോൾ പാഷനായെന്ന് നന്ദിനി ഗോപാലകൃഷ്ണൻ

- ബിന്ദു പി.പി

സാരിയുടുക്കാൻ അറിയാവുന്നതുകൊണ്ട് മാത്രമാണ് ഞാൻ സിനിമയിലേക്ക് എത്തിയതെന്ന് പറഞ്ഞുകേട്ടാൽ ഒരു പക്ഷേ നിങ്ങൾ ചിരിക്കുമായിരിക്കും. സത്യത്തിൽ എന്റെ സിനിമാജീവിതത്തിന്റെ തുടക്കം ഒരു സാരിയുടുക്കലാണ്. ഞാനൊരു ഐ.ടി പ്രൊഫഷണലാണ്. സിനിമ എന്നത് വിദൂരമായി നിൽക്കുന്ന ഒന്ന് മാത്രമായിരുന്നു.

എന്റെ ജീവിതത്തിൽ വിവാഹശേഷം കുടുംബമായി കഴിയുമ്പോഴോ മോൾ ഒന്ന് വലുതായപ്പോഴോ ഒന്നും സിനിമ എന്റെ ചിന്തയിലില്ല. ഒരു സുഹൃത്ത് അവളുടെ ബോട്ടിക്കിന്റെ ആവശ്യത്തിനായി പെട്ടെന്ന് സാരി ഉടുക്കുന്ന ഒരാളെ തപ്പി എന്റെയടുത്ത് എത്തുന്നതും സാരിയുടുക്കാൻ വലിയ ഇഷ്ടമായതുകൊണ്ട് ഞാൻ വളരെ യാദൃച്ഛികമായി അവിടെ എത്തുകയുമാണ് ഉണ്ടായത്. പക്ഷേ എന്റെ ജീവിതത്തിൽ മറ്റൊരു ചാപ്റ്റർ അവിടെ തുടങ്ങുകയായിരുന്നു. അത് നന്നായി വന്നപ്പോൾ പിന്നീട് മോഡലിംഗിലേക്കുള്ള വഴിതെളിച്ചു. ഒരിക്കൽപോലും ക്യാമറയ്ക്ക് മുന്നിൽ നിൽക്കുമെന്ന് ചിന്തിക്കുക പോലും ചെയ്യാത്ത ഞാൻ അങ്ങനെ പരസ്യചിത്രങ്ങളും അതുവഴി സിനിമാമേഖലയിലേക്കും കാലെടുത്ത് വച്ചു. അതും ആദ്യ സിനിമ യമണ്ടൻ പ്രേമകഥ, ദുൽഖറിനൊപ്പം ആദ്യസീൻ. അപ്രതീക്ഷിതമായി എത്തിപ്പെട്ട ഇടമാണ് അഭിനയമേഖലയെങ്കിലും നന്ദിനി ഗോപാലകൃഷ്ണന്റെ പാഷനാണ് ഇപ്പോൾ അഭിനയം.

ജോലിയും കുടുംബവും ഒപ്പം പാഷനും നന്ദിനി മനോഹരമായി കൊണ്ടു പോകുന്നു. തന്റെ പുതിയ സന്തോഷങ്ങളും സിനിമായാത്രകളും നന്ദിനി ഇതാദ്യമായി നാനയുമായി പങ്കുവയ്ക്കുന്നു.

'ഗു' റിലീസ് ചെയ്തപ്പോൾ