ആദ്യം നല്ല സിനിമകൾ പിന്നെപ്പോരേ ഫീൽഡ് ഔട്ട്?

സിനിമയോടുള്ള അത്രമാത്രം ആഗ്രഹം കൊണ്ടാണ് ഇവിടെ നിൽക്കുന്നത്. നല്ല സിനിമകളുടെ ഭാഗമാവണം. ആദ്യസിനിമ തിങ്കളാഴ്ച നിശ്ചയം കഴിഞ്ഞ് ബ്രേക്ക് വന്നതും നല്ല സിനിമകളുടെ ഭാഗമാവണം എന്ന ഒറ്റ ഉദ്ദേശത്തിലായിരുന്നു. പരിവാർ സിനിമയിൽ സഹദേവന്റെ ഭാര്യാവേഷമായ നിഷയായി എത്തിയ ഉണ്ണിമായ നാലപ്പാടം തന്റെ സിനിമാ വഴിയെക്കുറിച്ച് സംസാരിക്കുന്നു.

- നിരഞ്ജന ഇന്ദു

പരിവാറിലെ നിഷ

2025 ന്റെ സന്തോഷം പരിവാറിലെ നിഷ തന്നെയാണ്. പ്രശാന്ത് അലക്സാ ണ്ടർ അവതരിപ്പിച്ച സഹദേവന്റെ ഭാര്യാ വേഷമായിരുന്നു. ഒമ്പത് വയസ്സുള്ള മകന്റെ അമ്മയാണ്. മുഴുനീള കഥാപാത്ര മായതിനാൽ സിനിമ കണ്ടവർ എല്ലാവരും ശ്രദ്ധിച്ചു. കുശുമ്പും അസൂയയും നിറഞ്ഞ ഒരാളാണ് നിഷ. ജഗദീഷ് ഏട്ടൻ, ഇന്ദ്രൻസേട്ടൻ, മീൻരാജ് ഏട്ടൻ അങ്ങനെ വലിയ താരനിരയ്ക്കൊപ്പം അഭിനയി ക്കാൻ കഴിഞ്ഞു. മുൻപ് ചെയ്ത കഥാപാ ത്രങ്ങളെല്ലാം വളരെ പ്രോഗ്രസ്സീവ് കഥാ പാത്രങ്ങളായിരുന്നു. അതിൽ നിന്ന് നേരെ ഓപ്പോസിറ്റ് ഒരാളാണ് നിഷ. ഭർത്താ വിനെ തന്റെ കൺട്രോളിൽ വയ്ക്കുന്ന, അയാൾ എന്ത് ചെയ്യണമെന്ന് നിഷയാണ് തീരുമാനം എടുക്കുക. എനിക്ക് അധികം പരിചയമില്ലാത്ത ഒരാളാണ് നിഷ. ഞാൻ നിഷയെപ്പോലൊരു ഭാര്യയെയല്ല.

ഇന്ദ്രൻസേട്ടൻ ഞെട്ടിച്ചു