தெரியாமல் நடந்தது!

"மனைவி இறந்த துக்கத்தில் உடல்நிலை பாதிக்கப்பட்டிருந்த அமரன். பிறகு எவ்வாறு உடல் நிலை தேறி வழக்கமான வேலைகளை செய்ய ஆரம்பித்தான்?”

- ப.விஜயன்

இரவு 9 மணி ஆகிக் கொண்டிருந்தது. வெளியே தீவிரமாக மழை பெய்து கொண்டிருந்தது. அமரன் தன் அறைக்குள் அமைதியாக அமர்ந்து சுவரில் மாட்டப்பட்டிருந்த அவன் திருமண போட்டோவையே வெறித்து பார்த்துக் கொண்டிருந்தான். அதில் அவனுடன் மனைவி ஷோபாவும் இருந்தாள். படத்துக்கு யார் கூறியும் கேளாமல் அவன் தான் மாலையை போட்டிருந்தான். மனைவி ஷோபாவுடன் தானும் இறந்து விட்டதாகவே அவன் கூறிக் கொண்டான்.

இன்று வீடு வெறிச்சோடிக் கிடந்தது. அவன் பெற்றோர், தம்பி மற்றும் அவனுடைய 4 வயது மகன் ரமேஷ் வெளியூரில் உறவினர் திருமணத்துககு சென்றிருந்தனர். அவன் தம்பி குமரன் மனைவி ராதா மட்டும் தன் 9 மாத குழந்தை சுமீத்துடன் அவனுக்காக வீட்டில் இருந்தாள். அமரனுக்கு உடல் நிலை சரியில்லாத காரணத்தால் ராதா அவனை கவனித்துக் கொள்ள வீட்டில் இருந்தால் நல்லது என அனைவரும் நினைத்தனர்.