மனமே கலங்காதே!

"எடுத்ததற்கெல்லாம் கலங்கிப் போய் விடுவாள் மோனிஷா. அவளுக்கு துணை போவான் ஸ்ரீராம். அவள் ஒரு நாள் உடைந்து போன போது ஸ்ரீராமால் கை கொடுக்க முடிந்ததா?"

- சாரதி

ஹலோ.... ஹலோ ஸ்ரீராம் ஏதாவது கூறு"

"என்னவாயிற்று மோனி? ஏன் இந்த கலக்கம்?' என போனில் கலக்கமுற்ற மோனிஷாவின் குரல் கேட்டு தானும் கலங்கிப் போனான் ஸ்ரீராம்.

"ஸ்ரீராம், உடனே இங்கே வருகிறாயா?"

"நீ பயப்படாதே மோனி. இதோ நான் வந்து விடுகிறேன்." என்று கூறிவிட்டு போனைக் கட் செய்தான் ஸ்ரீராம். மொபைல் போனை ஜீன்ஸ் பேன்ட் பாக்கெட்டில் வைத்துக் கொண்டு பைக்கை ஸ்டார்ட் செய்தான்.

மோனியின் ரூம் ஸ்ரீராமின் ரூமிலிருந்து பைக்கில் சென்றால் 15 நிமிடங்களில் சென்று விடலாம். ஆனால் அவளது கலங்கிய குரல் ஸ்ரீராமிற்கு தூரத்தையும், நேரத்தையும் அதிகப்படுத்திக் காட்டியது.

மோனிஷா ஸ்ரீராமின் கிளாஸ்மேட், சிறு வயது தோழி மட்டுமல்ல, மனதின் ராணியும் கூட.