പണം കൊണ്ടുവരും വണ്ടും പുഴുവും

അലങ്കാരപ്പക്ഷികൾക്കു തീറ്റയാക്കാൻ മീൽ വേം

വീടിനുള്ളിലെ ചെറിയ സ്ഥലത്ത് പ്രോട്ടീൻ സമ്പുഷ്ട ഭക്ഷണം വളർത്തിയെടുക്കുകയാണ് എറണാകുളം ഞാറയ്ക്കൽ മരോട്ടിക്കൽ വീട്ടിൽ ദീപു. ചെറിയ പ്ലാസ്റ്റിക് ട്രേയിൽ തവിടിൽ തീർത്ത ബെഡിൽ ഉരുളക്കിഴങ്ങ് കഴിച്ച് വളരുന്നത് ആയിരക്കണക്കിന് വണ്ടുകളും പുഴുക്കളും. മികച്ച പ്രോട്ടീൻ ഉറവിടമായ മീൽ വേം വണ്ടുകളെയും പുഴുക്കളെയും വളർത്താൻ തുടങ്ങിയത് അലങ്കാരപ്പക്ഷി വളർത്തലിന്റെ ഭാഗമായാണെങ്കിലും വിദേശത്തു നിന്നുവരെ ഡിമാൻഡ് വന്നതോടെ ദീപുവിന് ഇപ്പോഴിത് ആദായ സംരംഭം.