അക്കരെയാണ് താമസം ഇക്കരെയാണ് അരുമകൾ

 അമേരിക്കയിലിരുന്ന് കോട്ടയം പുതുപ്പള്ളിയിലെ വീട്ടിൽ വമ്പൻ ഏവിയറി പരിപാലിക്കുന്ന പക്ഷി പ്രേമി

വീട്ടിൽ നായ്ക്കളെയും കോഴികളെയുമൊക്കെ വളർത്തിയിരുന്ന ഒരു ബാലനുണ്ടായിരുന്നു കോട്ടയം പുതുപ്പള്ളി പണ്ടാരക്കുന്നേൽ വീട്ടിൽ. പേര് നൈനാൻ ജോസഫ്. എലിപ്പെട്ടിയിൽ കുടുക്കിയ ഏതാനും അണ്ണാൻമാരെയും അവൻ ഓമനിച്ചു  വളർത്തി. മുന്തിയ ഇനം നായ്ക്കുട്ടികളെ വളർത്താൻ കൊതിച്ചിരുന്നെങ്കിലും ആരും അവനു വാങ്ങിക്കൊടുത്തില്ല. പിൽക്കാലത്ത് അവൻ നഴ്സിങ് പഠിച്ച് അമേരിക്കയിലെത്തിയപ്പോഴും അരുമകളുമായുള്ള ചങ്ങാത്തം കെ വെടിഞ്ഞില്ല. ഒരു കൂട്ടം ലവ് ബേഡ്സിനെയും അക്വേറിയം മത്സ്യങ്ങളെയുമൊക്കെ അമേരിക്കൻ ജീവിതത്തിൽ കൂടെക്കൂട്ടി.