മിഥുനമെത്തുമ്പോൾ പച്ചപ്പിന്റെ രുചിക്കൂട്ട്

രുചിപ്പഴമ

ഇടവപ്പാതിയിൽ നിന്നു മിഥുനമെത്തുമ്പോൾ ഗ്രാമങ്ങളിൽ മാത്രമല്ല, ഗ്രാമീണരുടെ ഹൃദയങ്ങളിലും പച്ചപ്പു നിറയും. തൊടികളിൽ സസ്യസമൃദ്ധി, ഔഷധസസ്യങ്ങളുണ്ട്, ആഹാരമാക്കാവുന്നവയും കളകളുമുണ്ട്. കളയിൽ പാതി കന്നുകാലിക്കും മറ്റേ പാതി കയ്യാലയ്ക്കും എന്നാണ് ചൊല്ല്. മഴ കനക്കുന്നതോടെ പുറത്തിറക്കാനാവാത്ത കന്നുകാലികൾക്ക് തൊടികളിൽ നിന്നു പറിച്ചെടുക്കുന്ന പുല്ലും ചെറുചെടികളും കൈത്തീറ്റയായി നൽകും. മണ്ണൊലിപ്പിനെ പ്രതിരോധിക്കാനായി ബാക്കിയുള്ളവ പറിച്ച് തൊടികളിലെ താഴ്ന്ന പ്രദേശങ്ങളിൽ വരമ്പുപോലെ കൂട്ടി അതിനു മീതെ അൽപം മണ്ണുവെട്ടിയിടും; കുത്തൊഴുക്കിനൊരു തട