ആമ്പലും താമരയും ആദായപൂക്കൾ

പൂ വിപണനത്തിനൊപ്പം നഴ്സറിയും

- സുരേഷ്കുമാർ

ആമ്പൽ , താമരപ്പൂക്കളുടെ നിറപ്പകിട്ടിൽ തിളങ്ങുകയാണ് ഈ വീടും പരിസരവും. എറണാകുളം ജില്ലയിൽ ആലങ്ങാട്, നീറിക്കോട്, കളവപ്പിള്ളി വീട്ടിലെ പൂന്തോട്ടം പക്ഷേ, വെറും അലങ്കാരക്കാഴ്ച മാത്രമല്ല, വീട്ടമ്മയായ പ്രവീണ പ്രജീഷിന്റെ വരുമാനമാർഗം കൂടിയാണ്.

വീടിനു ചുറ്റുവട്ടത്തും മട്ടുപ്പാവിലുമായാണ് പ്രവീണയുടെ പുഷ്പകൃഷിയും പൂച്ചെടി നഴ്സറിയും. വീടിനോടു ചേർന്ന് പ്ലാസ്റ്റിക് ചട്ടികളിലാണ് താമര, ആമ്പൽ കൃഷി. ചുവപ്പ്, പിങ്ക്, വെള്ള, പച്ച, മഞ്ഞപ്പൂക്കളും അവയുടെ മിശ്രിത വർണങ്ങളിലുള്ള പൂക്കളുമുള്ള ചെടികൾ ഇവിടെയുണ്ട്. 3 വർഷമായി പൂക്കഷി ചെയ്യുന്ന പ്രവീണ 4മാസം മുൻപ് വീടിന് അൽപം അകലെ 'നിള' എന്ന നഴ്സറിയും തുടങ്ങി.

ഹോബിയിൽ തുടക്കം