അടുക്കളത്തോട്ടത്തിലേക്ക് ആരോഗ്യച്ചെടികൾ

അടുക്കളത്തോട്ടത്തിന്റെയും ഔഷധസസ്യങ്ങളുടെയും പ്രചാരകനായി മാറിയ കണ്ണൂർ സ്വദേശി പ്രഭാകരൻ കക്കോത്ത്

യാത്രകൾക്കിടയിൽ സ്കൂൾ, പൊലീസ് സ്റ്റേഷൻ, സർക്കാർ ഓഫിസ് തുടങ്ങി ഏതു പൊതു സ്ഥാപനം കണ്ടാലും പ്രഭാകരൻ കാറിന്റെ ബൈക്കിൽ കാലമർത്തും. വണ്ടി നേരെ മുറ്റത്തു നിർത്തും. സ്ഥാപനത്തിന്റെ മേലധികാരിയോടു കാര്യം പറഞ്ഞ് അനുവാദം വാങ്ങും. പിന്നെ ഡിക്കി തുറന്ന് വൃക്ഷത്തൈകളും ഔഷധസസ്യത്തൈകളും വിത്തുകളും പുറത്തെടുത്ത് അനുയോജ്യമായ സ്ഥലം നോക്കി അരുമയോടെ നട്ടുപിടിപ്പിക്കും. എട്ടൊൻപതുവർഷമായി തുടരുന്ന ശീലം.

കണ്ണൂർ ജില്ലയിൽ ഒട്ടേറെ സ്ഥാപനങ്ങളുടെ മുറ്റത്തും പൊതുവഴികളിലുമെല്ലാം പ്രഭാകരൻ ഇങ്ങനെ നട്ടുവളർത്തിയ ചെടികൾ ഇന്നു പൂത്തും കായ്ച്ചു നിൽക്കുന്നു.