മഴക്കുറവിനെ നേരിടാൻ മുൻകരുതൽ വേണം

ഓണവാഴക്കൃഷിക്കു വിത്തിനായി മാതൃവാഴകൾ തിരഞ്ഞെടുക്കാൻ സമയമായി

നിലവിൽ 3 മാസത്തിനുമേൽ പ്രായമുള്ള വാഴകളിൽ കൂമ്പ് പകുതി മാത്രം വിരിയുക, വെള്ളക്കൂമ്പ് വരിക, കൂമ്പില വളഞ്ഞു നിൽക്കുക തുടങ്ങിയ ലക്ഷണങ്ങൾ വ്യാപകം. ചൂടിനെ പ്രതിരോധിക്കുന്നതിനു സഹായിക്കുന്ന കാത്സ്യം മതിയാകുന്നില്ലെന്ന വിവരം വാഴ ഈ ലക്ഷണങ്ങളിലൂടെ അറിയിക്കുകയാണ്. പരിഹാരമായി കാത്സ്യം നൈട്രേറ്റ് 5 ഗ്രാം ഒരു ലീറ്റർ വെള്ളത്തിൽ എന്ന തോതിൽ കലക്കി വാഴ മുഴുവൻ നന്നായി വീഴത്തക്കവിധം തളിക്കുക. പുതുതലമുറയിൽ പെട്ട ഏതെങ്കിലും നോൺ അയോണിക് അഡ്ജുവന്റ്സ് ' (ലായനി ഇലകളിൽ നന്നായി പരക്കുന്നതിനായി ചേർക്കുന്ന അയോൺ രഹിത ചേരുവ) ഒരു മില്ലി വീതം 4 ലീറ്റർ വളം ലായനിയിൽ ചേർത്ത് വാഴ മുഴുവൻ നന്നായി നനയുന്ന വിധമാണ് സ്പ്രേ ചെയ്യേണ്ടത്.

അടുത്ത ഓണകൃഷിക്കു വിത്തിനായി മാതൃവാഴകൾ തിരഞ്ഞെടുക്കൽ ആരംഭിക്കാം. വൈറസ് രോഗലക്ഷണമൊന്നുമില്ലാത്ത, കാളാമുണ്ടന് അധികം നീളമില്ലാത്ത, 6-8 പടല കായ്കളോടു കൂടിയ കുലകളുണ്ടായ വാഴയുടെ സൂചിക്കന്നുകൾ നടുന്നതിനായി എടുക്കാം.

മഞ്ഞൾ

 കള നീക്കിയ ശേഷം നാനോ DAP 2 മില്ലിയും സൾഫേറ്റ് ഓഫ് പൊട്ടാഷ് 2 ഗ്രാം ഒരു ലീറ്റർ വെള്ളത്തിൽ എന്ന ക്രമത്തിലും നൽകുന്നത് വളർച്ചയ്ക്കു നന്ന്.

കുരുമുളക്

 ദ്രുതവാട്ടമുള്ള പ്രദേശങ്ങളിൽ മുൻകരുത ലായി ചുവടുഭാഗത്തെ മണ്ണിന്റെ അമ്ലത പി എച്ച് 6.5-7 ന് അടുത്ത് എത്തിക്കുക. അമ്ലത പരിശോധിച്ചശേഷം ഇതിനായി ആവശ്യമായ അളവിൽ കുമ്മായവ ചേർക്കുക. പല സ്ഥലങ്ങളിലും സിങ്കിന്റെ കുറവു കാണുന്നുണ്ട്. ഇരുമ്പ് ഇല്ലാത്ത സിങ്ക്, മഗ്നീഷ്യം മിശ്രിതം ചെയ്യുന്നത് പരിഹാരമാണ്.

മാംഗോസ്റ്റിൻ

 ഈ വർഷം ഇപ്പോൾ മാംഗോസ്റ്റീനിൽ സൂക്ഷ്മ മൂലകമായ സിങ്കിന്റെ കുറവ് വ്യാപകമായി കാണുന്നുണ്ട്. ഇതു പരിഹരിക്കുന്നതിനു നടപടിയെടുക്കാത്ത എല്ലാ തോട്ടങ്ങളിലും തന്നെ ഈ കുറവു കാണുന്നു. ഇതു പരിഹരിക്കുന്നതിനുള്ള മാസാദ്യം തന്നെ നൽകുക.