മൂല്യവർധനയിൽ മുന്നേറ്റം

ചുരുങ്ങിയ ചെലവിൽ ഭക്ഷ്യോൽപന്ന സംരംഭം തുടങ്ങി മികച്ച വരുമാനത്തിലെത്തിയ സിന്ധു

തിരുവനന്തപുരം നാലാഞ്ചിറയിലുള്ള സിന്ധു വി. ചന്ദ്രന്റെ വീട്ടിൽ ഒരു ഭക്ഷ്യോൽപന്ന യൂണിറ്റിന്റെ തിരക്കോ ബഹളമോ ഒന്നുമില്ല. എന്നാൽ, സിന്ധുവുണ്ടാക്കുന്ന വിഭവങ്ങൾക്ക് ഓർഡറിന് പഞ്ഞവുമില്ല. കാര്യമായ മുതൽ മുടക്കില്ലാതെയും വീട്ടുകാര്യങ്ങൾക്കു മുടക്കമില്ലാതെയും മികച്ച വരുമാനമുള്ള സംരംഭം സാധ്യമാണെന്നു തെളിയിക്കുകയാണ് ഈ വനിത. വർഷങ്ങളായി തിരുവനന്തപുരം നഗരത്തിൽ മികച്ച നിലയിൽ ബുട്ടീക് നടത്തുന്ന സിന്ധു ഒരു വർഷം മുൻപാണ് ഭക്ഷ്യോൽപന്ന സംരംഭത്തിൽ കൂടി കൈവച്ചത്. ഒട്ടേറെ അന്വേഷണങ്ങൾക്കുശേഷം മുരിങ്ങയില ഉൽപന്നങ്ങളിലാണ് തുടക്കം.