நடிகைகளுக்கு கொஞ்ச காலம் தான் மவுசு!

நிமிஷா சஜயன்

- தவா

‘தி கிரேட் இண்டியன் கிச்சன்' படத்தின் மூலம் கேரள திரையுலகம் மட்டுமின்றி அனைத்து மொழி ரசிகர்களின் மனதிலும் நிறைந்த நிமிஷா சஜயன், இப்போது அருண் விஜய் நடிக்கும் 'அச்சம் என்பதில்லையே' படம் மூலம் ஹீரோயினாக தமிழில் என்ட்ரி கொடுக்க இருக்கிறார். அவருடன் அழகான சிட்சாட்.

உங்க குடும்பத்தைப் பற்றி?

 அப்பா சஜயன் என்ஜினீயர், அம்மா மெடிக்கல் பீல்டுல இருக்காங்க, நீ இதை படி, அதைப் பண்ணுன்னு என் பெற்றோர் என்னை தொல்லை செய்யல, நான் என்னவா ஆக விரும்புறேனோ, அதை செய்ய எனக்கு முழு சுதந்திரமும் கொடுத்தாங்க. என்னோட சிஸ்டர் நீதுவும் அப்படித்தான், ரொம்பவே ஸ்ட்ராங்கா தன்னோட கருத்துக்களை சொல்லுவாங்க.

ஸ்கூல் படிப்பு முடிஞ்சதும், காலேஜ் கோர்ஸ் மும்பையில் பண்ணேன். 2017-ம் வருஷம் எனக்கு முதல் பட வாய்ப்பு கிடைச்சது. 2019-ம் வருஷம் ரிலீசான 'சொௗ' படம் எனக்கு ஒரு நடிகையா அங்கீகாரம் தந்து விருதுகள் வாங்கிக் கொடுத்தது. 'கிரேட் இண்டியன் கிச்சன்' எனக்கு மிகப்பெரிய அடையாளமா இருந்தது.

சினிமா ஆசை உங்களுக்கு எப்போ ஏற்பட்டது?

குழந்தையா இருக்கும் போதே விளம்பர படங்களில் நடிக்க ஆடிஷன் போவேன்.

இப்போவும் ஞாபகம் இருக்கு, அப்போ நான் கிராப் கட்டிங் வெட்டி பையன் மாதிரி இருப்பேன். நான் ஆடிஷன் போற இடத்துக்கெல்லாம் அம்மாவும் கூட வருவாங்க. 4-ம் கிளாஸ் படிக்கும் போது கேமரா முன்னாடி நான் என்னோட சுய விபரக் குறிப்பு சொல்ற வீடியோ இன்னும் என்கிட்ட இருக்கு. கலை நிகழ்சிகளில் நான் பங்கேற்க ஊக்கப்படுத்தின ஸ்கூலில் படிச்சது என்னோட பாக்கியம்னு தான் சொல்லணும். ஒவ்வொரு முறையும் ஸ்கூல் பிரின்சிபல் என் அம்மா கிட்ட, உங்க பொண்ணுக்கு டான்ஸ், நடிப்பு நல்லா வருது, அதை நிறுத்திடாதீங்கன்னு சொல்லிட்டே இருப்பாங்க. ஸ்கூல் படிப்பை முடிச்ச உடனே கண்டிப்பா நான் 9 டூ 5 வேலையில் போய் உட்காரப் போறதில்லன்னு முடிவு பண்ணிட்டேன்.

சமூக கருத்துள்ள படங்களில் நடிக்குறீங்களே?