உடல் ஆரோக்கியம் தரும் வெற்றிலை!

தனித்த தன்மை கொண்ட எதற்கும் தனித்த அடையாளம் அல்லது குறியீடு வழங்குவது வழக்கமே. அந்த வகையில் தமிழன் என்பதே தனித்த பண்பு கொண்ட இனம்சார் குறியீடாக இருக்கிறது

- நெல்லை பரிதி

அதேபோல், தமிழர்கள் விளைவிக்கும், தயாரிக்கும் தனித்தன்மை கொண்ட ஏகப்பட்ட பொருட்களுக்கு புவிசார் குறியீடு வழங்கப்பட்டுள்ளது. இது அந்தந்த பொருட்களின் தரம் மற்றும் நன்மதிப்பிற்கு சான்றாகத் திகழ்கிறது.

பழனி பஞ்சாமிர்தம், உடன்குடி பனங்கற்கண்டு, கொடைக்கானல் மலைப்பூண்டு, கோவில்பட்டி கடலைமிட்டாய் உள்பட 45 உணவு வேளாண் மற்றும் பாரம்பரிய உற்பத்தி பொருட்களுக்கு ஏற்கனவே புவிசார் குறியீடு கிடைத்துள்ளது.

இந்நிலையில், மார்த்தாண்டம் தேன், ஆத்தூர் வெற்றிலை, கம்பம் பன்னீர் திராட்சை, சோழவந்தான் வெற்றிலை உள்ளிட்ட 11 பொருட்களுக்கு தற்போது புவிசார் குறியீடு வழங்கப்பட்டுள்ளது.