ഉന്നത പഠനത്തിന് കേന്ദ്ര സർവകലാശാല

തുച്ഛമായ ഫീസ് മുടക്കി മുന്തിയ ഒരു കേന്ദ്രസർക്കാർ ഇൻസ്റ്റിറ്റ്യൂട്ടിൽ പഠനവും ഗവേഷണവും- അതാണ് കേരള കേന്ദ്ര സർവകലാശാലയിൽ വിദ്യാർഥികളെ കാത്തിരിക്കുന്നത്

- ഡോ. ബി. ഇഫ്തിഖാർ അഹമ്മദ് അസി. പ്രഫസർ, ഡി. ഓഫ് ഇംഗ്ലീഷ് ആൻഡ് കംപാരറ്റിവ് ലിറ്ററേച്ചർ സെൻട്രൽ യൂനിവേഴ്സിറ്റി ഓഫ് കേരള, പെരിയ, കാസർകോട്

2009 ലെ പാർലമെന്റ് ആക്ട് വഴി, കേന്ദ്ര ഗവൺമെന്റ് രാജ്യത്ത് അനുവദിച്ച 16 പുതിയ കേന്ദ്ര സർവകലാശാലകളിൽ ഒരെണ്ണം കേരളത്തിനു ലഭിച്ചപ്പോൾ അതിനെ ഏറ്റുവാങ്ങാനുള്ള ഭാഗ്യം സിദ്ധിച്ചത് വടക്കൻ ജില്ലയായ കാസർകോടിനായിരുന്നു. കാഞ്ഞങ്ങാടു നിന്ന് വെറും 10 കിലോ മീറ്റർ വടക്കോട്ട് മാറി, ദേശീയപാത 66ന്റെ ഓരത്ത്, പെരിയ എന്ന സ്ഥലത്ത് നാനൂറ് ഏക്കറോളം വരുന്ന തേജസ്വിനി ഹിൽസിലാണ് ഇന്ന് രാജ്യാന്തര തലത്തിൽ തന്നെ മികവിന്റെ കേന്ദ്രമായി മാറിയ കേരള കേന്ദ്ര സർവകലാശാലയുടെ (CUK) മെയിൻ കാമ്പസ് സ്ഥിതി ചെയ്യുന്നത്.

നിയമ പഠനത്തിനായി തിരുവല്ലയിലും ഏക ബിരുദ പ്രോഗ്രാമായ ബി .എ ഇന്റർനാഷനൽ റിലേഷൻസിനായി തിരുവനന്തപുരത്തും രണ്ട് എക്സ്റ്റൻഷൻ കാമ്പസുകളും ഉണ്ട്.

മെന്ററിങ് യൂനിവേഴ്സിറ്റി എന്നതാണ് ഈ വാഴ്സിറ്റിയുടെ ഏറ്റവും വലിയ പ്രത്യേകത. വിവിധ പ്രോഗ്രാമുകളിൽ പഠനവും ഗവേഷണവും ചെയ്യുന്ന ഓരോ വിദ്യാർഥിക്കും വ്യക്തിപരമായ ശ്രദ്ധ ലഭിക്കുന്ന മെന്ററിങ് സെഷനുകൾ, കോഴ്സ് തീരുന്നതുവരെ ലഭ്യമാകും എന്നർഥം.

പരിസ്ഥിതിക്ക് കോട്ടം തട്ടാത്ത രീതിയിൽ പണികഴിപ്പിച്ച കാമ്പസ് അന്താരാഷ്ട്ര നിലവാരമുള്ള ക്ലാസ് മുറികൾ, റിസർച് ലാബുകൾ, വിപുലമായ ലൈബ്രറി സമുച്ചയം, ഹോസ്റ്റലുകൾ, മെഡിക്കൽ ക്ലിനിക് എന്നിങ്ങനെയുള്ള സൗകര്യങ്ങൾ കൊണ്ട് സമൃദ്ധമാണ്. രാജ്യത്തിന്റെ വിവിധ സംസ്ഥാനങ്ങളിൽ നിന്നുള്ള, പ്രശസ്തരായ, പഠന/ഗവേഷണ വിഷയങ്ങളിൽ വിദഗ്ധരായ അധ്യാപകരാണ് ഒട്ടുമിക്ക ഡിപ്പാർട്മെന്റുകളിലുമുള്ളത്.

കോഴ്സുകൾ