ഇരക്കുന്നവനല്ല, കൊടുക്കുന്നവനാവുക

ജയത്തിന്റെ അന്തകനാണ് മടി എന്ന് ഹസ്റത് അലി. മടിയൻ മറ്റുള്ളുവരെ ആശ്രയിക്കുന്നവനാകും

ക്രിക്കറ്റ് താരം നവ്ജോത് സിങ് സിദ്ദുവിന്റെ അന്താരാഷ്ട്ര അരങ്ങേറ്റം മോശമായിരുന്നു. വെസ്റ്റിൻഡീസിനെതിരെ മൂന്ന് ഇന്നിങ്സിൽ 20 റൺസ്.

മടിയന് കിട്ടിയ ശിക്ഷയായി സിദ്ദു അത് തിരിച്ചറിഞ്ഞു. അച്ഛൻ കാലത്ത് വിളിച്ചുണർത്തി കായികാഭ്യാസം നടത്തിവരാൻ പറയുമായിരുന്നു. പക്ഷേ, സിദ്ദു മടിപിടിച്ച് മറ്റൊരു മുറിയിലുറങ്ങും. ഓടി വിയർത്ത മട്ടിൽ ദേഹത്ത് വെള്ളം വിതറി അച്ഛന് മുന്നിലെത്തും.

ഈ തോൽവി അതിനുള്ള പ്രതിഫലം. സിദ്ദു ഇന്ത്യൻ ടീമിൽ നിന്ന് പുറത്തായി. അവിടെ തുടങ്ങി വാശി. മടിക്കെതിരായ വാശി. നിത്യവും അതിരാവിലെ മുതൽ പരിശീലനം. ദിവസം 300 സിക്സറെങ്കിലും തികക്കാതെ വീട്ടിലേക്കില്ല.