അൻപോടു കൺമണി

അപൂർവ വൈകല്യത്തെ അസാമാന്വമായ മനോധൈര്യത്തോടെ തോൽപിച്ച് ജീവിതത്തിൽ അസാധ്യമായതൊന്നും ഇല്ലെന്ന് തെളിയിക്കുകയാണ് കൺമണി. ജന്മനാ ഇരു കൈകളുമില്ലെങ്കിലും പുതിയ കഴിവുകൾ കണ്ടെത്തി ആത്മവിശ്വാസത്തോടെ മുന്നേറുന്ന യുവതിയുടെ കഥ...

- സജി ശ്രീവത്സം

കൺമണിയുടെ നാടായ മാവേലിക്കര അറു നൂറ്റിമംഗലത്ത് ആദ്യത്തെ സംഭവമായിരുന്നു ഇരു കൈകളുമില്ലാതെയുള്ള പെൺകുട്ടിയുടെ ജനനം. അവിടെയെന്നല്ല, കേരളത്തിൽ തന്നെ അത്യപൂർവം.

കുട്ടിയെ കാണാൻ നാട്ടിലുള്ളവരെല്ലാം വീട്ടിൽ കയറിയിറങ്ങുമ്പോഴും വൈകല്യത്തെക്കുറിച്ച് നിരന്തരമായി  ചോദിക്കുമ്പോഴും അമ്മ രേഖക്കും പിതാവ് ശശികുമാറിനും താങ്ങാനാവുമായിരുന്നില്ല. എന്നാൽ, കൺമണിയെന്ന് പേരിട്ട കുട്ടിക്ക് അങ്ങനെയൊരു ചിന്ത പോലും പോയില്ല.

കൈകളില്ലാത്തതിന്റെ കുറവ് അവൾ തന്റെ കുഞ്ഞിക്കാലുകൾ കൊണ്ട് തീർത്തു. കൺമണിയെ ഇന്ന് മലയാളികൾക്കെല്ലാം അറിയാം; കുട്ടി എന്ന നിലയിലല്ല, മറിച്ച് അപൂർവമായ വൈകല്യമുള്ള വൈകല്യത്തെ അസാമാന്യമായ മനോധൈര്യത്തോടെയും അത്യപൂർവമായ പാടവത്തോടെയും തോൽപിച്ച കലാകാരി എന്ന നിലയിൽ.

അവഗണനയിൽ തുടങ്ങിയ അക്ഷരപഠനം