fun spots for families

കുടുംബത്തോടൊപ്പം ഉല്ലാസയാത്ര പോകാൻ ഇതാ പത്തിടങ്ങൾ

കുടുംബത്തോടൊപ്പമുള്ള യാത്ര ബന്ധങ്ങൾ കൂടുതൽ ഊഷ്മളമാക്കും. പുതിയ കാഴ്ചകളും അനുഭവങ്ങളും ഉന്മേഷവും പുതുമയും സമ്മാനിക്കും. ഇത്തവണ ക്രിസ്മസ് അവധിക്ക് കുടുംബത്തോടൊപ്പം കൃത്യമായ പ്ലാനിങ്ങോടെ ഒരു യാത്രക്ക് ഒരുങ്ങാം...

01 വയനാട്

വൈത്തിരി-മേപ്പാടി ഭാഗത്തുള്ള സ്പോട്ടുകൾ പരിചയപ്പെടാം. നിങ്ങളുടെ അഭിരുചിക്കനുസരിച്ച് സ്ഥലം പരിഗണിച്ചാൽ 1-3 ദിവസം വരെയുള്ള യാത്ര ഈ റൂട്ടിൽ പ്ലാൻ ചെയ്യാൻ കഴിയും. കോഴിക്കോട്ടു നിന്ന് 55 കിലോമീറ്റർ സഞ്ചരി ച്ച് അടിവാരം വഴി ലക്കിടി വ്യൂ പോയന്റിലെത്താം. അവിടെ നിന്ന് ഒരു കിലോമീറ്റർ സഞ്ച രിച്ചാൽ ചെയിൻ ട്രീ, മൂന്നു കിലോമീറ്റർ സഞ്ചരിച്ചാൽ പൂക്കോട് തടാകവും കാണം.

ഇവിടെനിന്ന് ഏകദേശം മൂന്നു കിലോമീറ്റർ സഞ്ചരിച്ചാൽ വൈത്തിരി എത്താം. ഇവിടെ സ്റ്റേ ചെയ്ത് പിറ്റേ ദിവസം 17 കിലോമീറ്റർ സഞ്ചരിച്ചു മേപ്പാടി ഭാഗത്ത് എത്താം. മേപ്പാടിയിൽനിന്ന് എട്ടു കിലോമീറ്റർ സഞ്ചരിച്ചാൽ ചെമ്പ്ര എത്തും. ഒരു ദിവസം 200 പേർക്കാണ് എൻട്രി. രാവിലെ ആറു മണിക്ക് വന്നു പേരെഴുതണം. 10 പേരടങ്ങുന്ന ഗ്രൂപ്പിന് 750 രൂപയാണ് ചാർജ്. 150 രൂപ ഗൈഡ് ചാർജും. മേപ്പാടിയിൽ നിന്ന് 14 കിലോമീറ്റർ സഞ്ചരിച്ചാൽ സൂചിപ്പാറ വെള്ളച്ചാട്ടത്തിലെത്താം. എട്ടു കിലോമീറ്റർ സഞ്ചരിച്ചാൽ തൊള്ളായിരം കണ്ടിയിൽ എത്തും. ക്യാമ്പ് സൈറ്റ്, കാടിന്റെ ഉള്ളിലൂടെയുള്ള ഹൈക്കിങ്, ഓഫ് റോഡ് ജീപ്പ് സഫാരി, ഗ്ലാസ് ബ്രിഡ്ജ് തുടങ്ങിയവയാണ് ആകർഷണങ്ങൾ. ഇവിടെനിന്ന് ഒമ്പതു കിലോമീറ്റർ സഞ്ചരിച്ചാൽ സീതമ്മക്കുണ്ട് വെള്ളച്ചാട്ടത്തിലെത്താം.

02 കക്കാടംപൊയിൽനിലമ്പൂർ