પ્રચાર માટે પાડોશી રાજ્યોના નેતાઓના ગુજરાતમાં ધામા

ગુજરાતમાં ચૂંટણીને હંમેશાં એક ઉત્સવની જેમ માનવામાં આવે છે. તમામ પક્ષની સાથે પ્રજા પણ ઉત્સાહિત હોય છે. સાથે-સાથે એક પરંપરા એ પણ રહી છે કે જ્યારે પણ ગુજરાતમાં ચૂંટણી હોય ત્યારે અન્ય રાજ્યના નેતાઓ કાર્યકર્તાઓને પક્ષ જવાબદારી સોંપે છે. આ વખતે પણ ભાજપ અને કોંગ્રેસે રાજસ્થાનથી લઈને ઉત્તરપ્રદેશ, મધ્યપ્રદેશ અને મહારાષ્ટ્રના પ્રભારી, કાર્યકર્તાઓને ગુજરાતના મતદાતાઓને રીઝવવાની જવાબદારી સોંપી છે. ખાસ કરીને ગુજરાતમાં રાજસ્થાનનો રંગ વધુ ઘેરો બનતો હોય તેવું ચિત્ર સ્પષ્ટ જોવાય છે. ગુજરાતની સાથે-સાથે બહારથી આવીને ગુજરાતમાં વસેલા મતદાતાઓ માટે પણ આ ટ્રિક કામ કરતી હોય છે. ચૂંટણીમાં રાજકીય પક્ષોના અનેક રંગ જોવા મળે છે જેમાં આ પણ એક અલગ રંગ છે.

- હેતલ રાવ

હાલમાં રાજસ્થાનના કોંગ્રેસના સાંસદ અને પાર્ટીના ગુજરાતના પ્રભારી ડૉ. રઘુ શર્માએ રાજસ્થાન સહિત અન્ય રાજ્યોના કોંગ્રેસના નેતાઓને ગુજરાતની તમામ ૨૬ લોકસભા બેઠકો માટે પ્રભારી તરીકે નિયુક્ત કર્યા છે, જ્યારે ભાજપે ઉત્તર ગુજરાતના નવમાંથી ૪૩ જિલ્લાના પ્રભારીઓની નિમણૂક કરી છે. વિધાનસભામાં જવાબદારી અન્ય રાજ્યોના નેતાઓને સોંપવામાં આવી છે. ૧૪મી ગુજરાત વિધાનસભાની મુદત ૨૦૨૩ની શરૂઆતમાં પૂર્ણ થવાની છે અને સત્તામાં રહેલા ભાજપ સહિત અન્ય રાજકીય પક્ષો ૧૫મી વિધાનસભાની ચૂંટણીની તૈયારીઓમાં પુરજોશથી લાગી ગયા છે. ગુજરાત વિધાનસભાની ચૂંટણી જાહેર થયા બાદ કોંગ્રેસના ગુજરાત પ્રભારી ડૉ. રઘુ શર્મા અને ભાજપના ગુજરાત પ્રભારી ભૂપેન્દ્ર યાદવ (બંને રાજસ્થાન)ની રાજકીય ગતિવિધિઓ પણ વધી ગઈ છે. કોંગ્રેસે ચૂંટણીને ધ્યાનમાં રાખીને ગુજરાતની તમામ ૨૬ લોકસભા બેઠકો માટે રાજસ્થાનના નેતાઓને પ્રભારી તરીકે નિયુક્ત કર્યા છે, ત્યારે નવ જિલ્લાની ૪૩ વિધાનસભા બેઠકો પર છેલ્લા દોઢ મહિનાથી ભાજપના ઘણા નેતાઓ મોરચા માંડીને બેઠા છે.

આ લખાઈ રહ્યું છે ત્યાં સુધી એવી પૂરી શક્યતાઓ છે કે ટૂંક સમયમાં જ ગુજરાતના અન્ય મધ્ય, દક્ષિણ અને પશ્ચિમ વિસ્તારોમાં રાજસ્થાનથી ભાજપના નેતાઓની પણ ફોજ ઊતરવાની છે. જેમાં પૂર્વ મુખ્યમંત્રી વસુંધરા રાજે સિંધિયા, ભાજપ પ્રદેશ અધ્યક્ષ ડૉ. સતીષ પુનિયા, રાજેન્દ્ર રાઠોડ અને અન્ય ઘણા નેતાઓનો સમાવેશ થાય છે.

રાજસ્થાનના નેતા કાર્યરત